Helga og Palli.

Nýtt ár, nýr mánuður, ný bloggfærsla!

2009-03-01T12:04:00.002+01:00

Vegna gífurlegs þrýstings frá fólki sé ég mig tilneydda til að henda hér inn einni bloggfærslu!

Það er mjög gott að vera komin aftur heim og nei það er ekki svo leiðinlegt að við höfum ekki frá neinu að segja. Hér koma helstu fréttir:

Við búum enn í Laguarbakkaskóla og ætlum okkur að vera þar þar til annað verður ákveðið.
Strákarnir eru ánægðir í sínum skólum.
Eyþór nýtur þess að geta farið til pabba síns um hverja einustu helgi.
Hinrik er að verða þreyttur á að vera í leikskóla og reyndi að fá mig til að samþykkja að þetta væri eiginlega Grunnleikskóli!
Marek er enn með síðan topp, hann er komin niður fyrir höku.
Palli er ekki enn kominn með fasta vinnu, hann fer í viðtal hjá Vegagerðinni á morgun.
Ég er enn í leikskólanum og fíla það bara vel. Var samt að fá 2 aukaverkefni við vefsíðugerð. Það verður bara gaman.
Það eru allir í tónlistarskólanum nema ég. Eyþór er enn að læra á bassa, Marek á gítar, Hinrik á trommur og Palli í tónfræði (held ég).
Palli er fjórhjólasjúkur! Ætli hann verði ekki kominn á fjórhjól fyrir sumar.
Ég er í kirkjukór, spilaklúbbi og prjónaklúbbi.
Ég er ekki enn komin í Eurovisiongír en það fer alveg að gerast!

Já, þetta eru nú svona þetta helst í fréttum. Við förum nú ekki mikið, náðum að fara í 2 löngu planaðar heimsóknir í gær og svo er ein á planinu í dag. Sjáum nú til hvort við nennum.

Þar til næst...
Helga

Tvö ný gullkorn

2008-12-29T13:38:00.002+01:00

Marek er nú ekkert venjulegur spekingur, hann kom með tvö mjög góð gullkorn um daginn. Það fyrra var rétt fyrir jól, þá spurði ég hann hvernig honum litist á að fara í kirkju á aðfangadag.
-Ekki vel, ég er sko ekkert mikið fyrir messur og svoleiðis.
-Nú?
-Nei, ég er sko ekki trúaður.
-Nú?
-Nei, ég er sko reyndar ALLT ANNAÐ en trúaður.
-Nú, hvað ertu þá?
-Ég er túristi!

Við frekari eftirgrenslan komst ég að því að hann vissi ekki hvað það þýðir að vera trúaður. Mig grunar samt helst að hann haldi að það sé fólk sem er sérstakt áhugafólk um messur!

Seinna gullkornið kom í gær eftir að við höfðum átt frábæran dag í Saurbæ hjá Olgu, Baldri og börnum. Ég verð reyndar að taka það fram að ég NEYDDI Marek til að koma með, hann hótaði að fyrst hann mætti ekki vera í friði heima hjá sér þá myndi hann bíða úti í bíl allan tímann. Ég sagði að ekkert slíkt væri í boði og hann kæmi með hvort sem honum líkaði það betur eða verr. Eftir á, var þetta hinn besti dagur. Þeir bræður léku sér við Dagrúnu og Ínu út í eitt. Það eru líka fullt af dýrum í Saurbæ; hundar, kettir, tófa, kanínur, froskar, fiskar, kindur, kýr og hænur. S.s. hinn fullkomni sveitabær. Hinrik vildi kíkja á kindurnar og aftur varð ég að neyða Marek með. Hann var nú varla kominn inn í fjárhús en hann var lagstur í einn garðann, talaði við kindurnar eins og þær skildu hann og ekki fannst honum leiðinlegra í hænsnakofanum þar sem hann gat haldið á hænum og látið þær standa á öxlunum á sér! Hinrik skemmti sér líka alveg jafnvel, og hvorugur var tilbúinn að fara heim á eftir.

Á leiðinni heim sagði svo Marek:
-Mamma, ef við flytjum í sveit þá getum við bara NOTAÐ pabba til að vinna við allt. Við þurfum sko ekkert að gera neitt. Hann er nefnilega svo góður á traktora og allt svoleiðis!

Gleðileg Jól?

2008-12-27T17:53:00.002+01:00

Já, þetta er bara svona spurning um hvort þið áttuð ekki gleðileg jól. Við áttum það að minsta kosti. Við náðum ekki að gera jólakort fyrir jólin, vorum að hugsa um að senda út á milli hátíða en það er orðið ljóst að það verður ekkert af því. Við skulum bara horfast í augu við staðreyndirnar.

Við erum annars búin að koma okkur ágætlega fyrir hér í kennaraíbúð í Laugarbakkaskóla. Enda fengum við góða hjálp þegar Solla vinkona kom og hjálpaði við að taka upp úr kössum. Hún bjó hér, ásamt sinni fjölskyldu, í þessari íbúð á undan okkur og veit því "hvar best er að geyma hlutina". Marek skreytti svo húsið og við urðum tilbúin fyrir jólin. Jólin komu mér reyndar svolítið á óvart... þ.e. ég var ekkert að fylgjast með tímanum og svo var bara allt í einu komin Þorláksmessa!
En ég var víst búin að lofa Hrund einhverjum myndum af íbúðinni. Ég er ekki búin að taka myndir hér innandyra en við fengum sendar myndir teknar hér fyrir utan, rétt áður en við fluttum og hér koma þær í röðum (myndir opnast í nýjum glugga):
Okkar íbúð er á neðrihæðinni þarna til vinstri á myndinni. Það sem sést eru gluggar að borðkrók (alveg innst að húsinu), eldhúsgluggi, baðherbergisgluggi og Eyþórs herbergi. Á endanum eru svo forsetasvalirnar eða einsmannssvalirnar hvort sem maður vill kalla þær. Algerlega tilgangslausar. Skólastofan hans Eyþórs sést ekki á myndinni en hann gengur inn í skólann um þessar dyr sem sjálst. Gluggarnir sem eru svo á milli íbúðarinnar og dyranna er gamla heimavistin sem er núna notuð sem Edduhótel á sumrin.

Á þessari mynd er hægt að sjá íbúðina frá Suð-vestur horninu! Þarna sést í 2 stofuglugga, svalir (og þeir skörpustu sjá kannski glitta í svalahurð), okkarPálsherbergi, og herbergi H&M. Og svo forsetasvalirnar! Það sem er hinum megin við tröppurnar er gamla vistin og annað af þessum herbergjum af hvorri hæð fyrir sig er notað yfir veturinn af tónlistarkennurum.

Já, og hér er svo enn ein fín mynd af þessu líka stórkostlega sloti. Það sem sést vinstra meginn á myndinni er mötuneytið á neðri hæðinni og setustofa á efri hæð. Aldrei man ég nú eftir matarslag í mötuneytinu! Spurning um að bæta úr því!

Mamma og Þráinn voru svo hérna hjá okkur á aðfangadagskvöld, Eyþór var hjá pabba sínum, og þetta voru bara hin ágætustu jól. Hinrik og Marek fengu engin leikföng ef frá eru taldir 2 litlir bílar sem þeir fengu en þeir hafa svosem ekkert kvartað yfir því. Þeir fengu hins vegar trommusett og rafmagnsgítar og síðan þá hafa verið haldnar ansi margar hljómsveitaræfingar. Mjög gaman. Sem betur fer er bæði hægt að loka herbergishurðinni og líka svefnherbergisganginum!

Ég fer að vinna þann 12. jan á leikskólanum á Hvammstanga, bara svona eftir að við verðum búin að koma strákunum í rútínu í skóla og leikskóla. Palli er byrjaður að vinna, bæði sem vinnumaður í sveitinni hjá systur sinni og líka í íhlaupavinnu á Hvammstanga. Hann hefur líka nóg að gera í spilamennsku. Var t.d. að spila í gærkveldi með ðe Zetors, og var það alveg hrikalega fyndið gigg!

En látum þetta nægja í bili.
Helga

Ferðalagið langa

2008-12-11T14:54:00.000+01:00

Jà dagurinn er loksins runnin upp. Við sitjum hèr ì lestinni à leið til Kaupmannahafnar, stràkarnir bùnir að spila og leika sèr, èg bùin að horfa à - og grenja yfir - bæði survivor og The Amazing Race og nù er komið að Palla að vera ì tölvunni.

Marek hefur nù àhyggjur af þvï að við finnum ekki ìsland þvì við erum ekki með landabrèfabòkina okkar með okkur.

Lendum seint ì kvöld. Meira seinna
Helga.

Námi lokið... í bili

2008-11-25T23:42:00.002+01:00

Já, þá er þessu námi lokið. Ég fór í próf í dag, þ.e.a.s. ég varði ritgerðina okkar í dag og stóðst það með ágætum. Fékk 10 í einkunn (af 12). Einkunnagjöfin hérna er sko næstum því eins og í Eurovision, bara miklu, miklu flóknari!

En já, það er gott að þessu er lokið. Næst er bara útskrift á föstudaginn, svo pakka niður og henda og pakka og henda... og svo bera alla kassa út í bíl á þriðjudaginn. Flytja okkur öll yfir til hans Reynis og svo þrífa þessa íbúð og svo fljúga til Íslands þann 11. des.

Ágætis plan alveg hreint, ekki satt?

Heimsmeistaramót

2008-11-09T15:17:00.002+01:00

Ég hef komið mér saman um að halda heimsmeistaramót í Kleppara og í Hæ-Gosa! Mótið verður haldið á Hvammstanga í Húnaþingi-vestra einhverntíman í febrúar (svona til dæmis).

Og þá er bara að fara að æfa sig!

Það er annars bara fínt að frétta af okkur hérna. Hér á þessu heimili er opinberlega byrjað að... jæja, kannski ekki að pakka niður en allavega að fara í gegnum föt og henda (frá sér).

Hálfnað verk þá hafið er!
...farin í pásu!

Helga.

Hljóðfæri

2008-10-31T19:53:00.005+01:00

Einu sinni, þegar ég átti heima í Móbergi komu nokkar manneskjur í "heimsókn" í partý. Í þessu eina partýi í Móbergi... nei, bíddu... það varð svo annað seinna. Þetta var það fyrra. Allavega, í þessu fyrra partýi í Móbergi kom alveg hreint ágætis kona. Ég held allavega að hún sé og hafi verið alveg ágæt. Þekki hana svosem ekki mikið. En hún sem sagt kom þarna ásamt einhverju fleiru fólki sem eru eiginlega svona "nóbodíar" í þessarri sögu. Þegar eitthvað hafði liðið á kvöldið, er þessi ágæta kona komin í stuð til að syngja, lítur allt í kringum sig og spyr svona skælbrosandi:
"Hérna, áttu píanó?"
"Neibb" sagði ég. Ónefndakonan varð mjög hissa, hristi það svo af sér og spurði
"En gítar?"
"Nei" sagði ég.
"Ha? En bara blokkflautu?"
"Ehh.. nei" sagði ég.
"HA???? Áttu engin hljóðfæri???" Og konan ágæta trúði ekki sínum eigin eyrum!
Ég varð sármóðguð og neitaði. Hver þarf svosem hljóðfæri? Það eru greinilega ekki allir alveg jafn snobbaðir að þurfa að eiga fullt hús af hljóðfærum! Ha!
Nei, partýinu lauk ekki löngu seinna. Enda ekkert hægt að syngja!

Í nokkur ár var ég hálf móðguð og pínu hneiksluð! En NÚ má þessi alveghreintágætiskona koma í heimsókn því við eigum:
1 blokkflautu
1 írska flautu
1 skrítna flautu
1 fuglaflautu
1 frosk
1 balalæku
1 úkulele
1 írska trommu
1 píanó
2 afríkanskar trommur
2 gítarar
3 bassar
3 fiðlur
sem sagt 19 hljóðfæri!

Komi hún bara! VERTU BARA VELKOMIN!

p.s. Steingleymdi alveg að Palli á líka trompet í geymslu hjá Hjálmari og einhverstaðar á ég ónýtt orgel. 21 Hljóðfæri... geri aðrir betur.

pp.s. Ég er ekki manísk... ég endurtek: EKKI!! Nei! Ég er ekki manísk!

Vegasalt eða jójó

2008-10-28T17:40:00.002+01:00

Ég er komin heim frá Írlandi. Frábært ferð en í næsta skólaferðalagi myndi ég vilja hafa fleiri stelpur með! Við vorum bara tvær, hin stelpan er úr hinum bekknum og ég þekki hana ekkert geðveikt mikið. Hún var auðvitað mest með sínum bekkjarbræðrum og ég með mínum. Þ.e.a.s. þegar báðir bekkirnir voru ekki saman. Mínir bekkjabræður eru allir yngri en 25 ára og tala mest um tölvuleiki, stelpur, bíla, drykkju, stelpur og drykkju! Sem er alveg ágætt í eitt kvöld! Sem betur fer tókst mér að fá þá til að spila eitt kvöldið (og þar með taka pásu í stelpu og drykkjutali) og að fara í verslunarleiðangur með mér. Ég reyndar gerði ekkert í því að fá þá með mér í búðir, en á síðasta daginn var talað um að fara í útsýnisrúnt fyrir þá sem vildu. Ég sagði kennurunum að ég ætlaði ekki með, ég þyrfti nauðsynlega að gera verðkönnun í Dublin enda komin með fráhvarfseinkenni með allar þessar búðir í kringum mig og ég hafði ekki kannað neina! Þegar allri svo stóðu upp til að fara komu 3 bekkjarbræður til mín og sögðust ætla með mér að versla! Jess... ég þurfti því ekki að fara ein.

Á þriðjudeginum fór ég að heimsækja mömmu hans Gerards pennavinar míns til níu ára! Sjitt hvað tíminn líður hratt! Systir hans var þar líka með dóttur sinni og þær keyrðu mig út um allt nágrennið til að sýna mér allt það helsta. Pössuðu að sýna mér alla merkilegustu staðina "því annars myndi Gerard drepa þær" eins og þær sögðu og hlógu.

Þetta var því í alla staði hin fínasta ferð - og já, við heimsóttum ekki eitt einasta tölvufyrirtæki því þau höfðu víst ekki svarað fyrirspurnum frá þeim sem átti að sjá um það. Það var bara ágætt! Guinness og Jameson verksmiðjurnar voru líka alveg fræðandi! Myndir eru hér.

Eftir að ég kom heim frá Írlandi erum við búin að vera eins og jójó - eða á vegasalti með að ákveða hvort við eigum að flytja heim eða ekki! Atvinnuástand er víst ekki upp á marga fiska þessa dagana á Íslandi og því ekkert svo spennandi að flytja heim hvað það varðar. En eftir að hafa velt þessu fyrir sér fram og til baka... hringt í alla þá sem eitthvað geta haft um málið að segja... hringt til að spyrjast fyrir um vinnu og ég veit ekki hvað og hvað vorum við enn óráðin. Eða sko, við vorum staðráðin í að gera annaðhvort!
Það valt svo á því hvort við gætum fengið aðra íbúð hjá leigufélaginu okkar, því við erum auðvitað löngu búin að segja þessarri upp. Palli fór á mánudagsmorgun bæði í okkar félag og í annað en ekkert var laust - enda er fyrirvarinn ansi stuttur; ekki nema rétt rúmur mánuður. Það var því tekir ákvörðun um að flytja heim! Og við hana stöndum við þar til annað kemur í ljós!

Helga.

Tónlist og tannstönglasvín...

2008-10-19T17:28:00.007+01:00

Jæja. Þá kom að því.
Kvenmaðurinn á bænum yfirgaf heimilið í nótt og eftir erum við strákarnir. Það er svo sem ekkert lengi sem hún verður frá heimilinu en hún kemur aftur á fimmtudaskvöld... eða nótt. Já hún skrapp til Írlands til að versla sér þvottaklemmur, hitta móður og systur pennavinar síns sem er frá Írlandi og skrifar henni eingöngu í kringum júróvisjon og svo til að vita hvort að IRA er ennþá starfrækt. En mikið verður gaman að fá hana heim aftur.

Ég skutlaði Helgu "niður" í skólann hennar klukkan ca 02:45 í nótt þar sem lagt var af stað í ferðina miklu. Hundskaðist svo heim og sofnaði en vaknaði svo aftur um 08:00 þar sem ég þurfti að drífa mig á fætur og keyra heim til Garðars til að horfa á Formúlu 1 með honum, en með viðkomu í Guldbager til að veiða þar rúnstykki í morgunmat. Svo var hljómsveitaræfing eftir það frá kl 13:00 til 16:00 í tilefni þess að Bobby Festival er á næstu grösum. Þar verð ég að spila með hljómsveitinni Rock-Co í stóra salnum í Sønderborghus... sem er einhverskonar félagsheimili Sønderborgara.
Á meðan ég var ekki heima var Eyþór heima með Marek og Hinrik og sá algerlega um þá.
Svo um kl. 6 leitið núna í kvöld sá Eyþór um að steikja hamborgara á línuna og allir voða sáttir og glaðir með það. Eyþór er að verða ansi seigur í eldhúsinu sko.

Heyrðu... heldurðu að ég hafi ekki séð svona tannstönglasvín í Egernsund, heima hjá Poul Erik, þar sem við æfum alltaf.
Þetta eru lítil og frekar ljót skrímsli sem gera sennilega engum mein. Allavega ekki akkúrat þetta kvikindi. Bara stoppaði þarna í götukanntinum og stillti sér upp fyrir myndatöku.

Svona er lífið í Danmörku þessa dagana. Allir voðalega hissa á því að við skulum vera að flytja heim og segja okkur að vera bara dálítið lengur. Sérstaklega þó danirnir. Þeir eiga voðalega erfitt með að segja ekkert um ástandið á Íslandi... skiljanlega. Hver hefur ekki þörf fyrir að tjá sig um það? Egill helgason hefur í það minnsta þörf fyrir það að rassskella götustrákinn hann Jón Ásgeir.

Gott í bili.
Palli.

Sultupælingar

2008-10-13T15:55:00.003+01:00

Bestu fréttirnar sem ég hef í þessarri viku: Ég fékk samþykki fyrir námslánum! Jessúss hvað mér létti mikið. Þá eru þær áhyggjum frá.

Ég bjó til rabbabarasultu í gærkveldi sem er svo sem ekki í frásögu færandi nema þetta: Danir eru mikil sultuþjóð. Þeir borða sultu með öllum andskotanum og setja hana meira að segja vitlausu megin á ostinn, þ.e. þegar þeir fá sér brauð með osti og sultu þá setja þeir ostinn fyrst og sultuna svo. Mér finnst það mjög svo órökrétt en þar sem ég borða ekki svoleiðis get ég víst ekki dæmt um það hvort það sé betra. Mér finnst það bara líta rangt út! Hahahaha...
En allavega, gikkurinn ég borða helst ekki sultur. Nema rabbabarasultu, því hún var alltaf til í minni sveit. En það er bara alls ekki hægt að kaupa rabbabarasultu hér í landi, og ekki heldur í Þýskalandi ef út í það er farið (ekki það að ég hafi kannað í öllu landinu - það er bara betra að alhæfa svona) NEMA að rabbabarinn sé blandaður saman við jarðaber. Það er s.s. hægt að kaupa Rabbabara- og jarðaberjasultu. Hmm... afhverju að blanda þessu saman? Er það bara fyrir bragðið eða er það til að drýgja rabbabarann? Ég veit það ekki... ég borða þessa sultu bara í hallæri!

En ég fékk rabbabara hjá Hrund og Steina um daginn og bjó til sultu úr honum í gær. Í dag voru svo bakaðar vöfflur og borðaðar með sultu og rjóma! Namm...

Það eru innan við 2 mánuðir þar til við flytjum heim! Bara ef þið væruð að spá í það.

Helga

Fair Trade

2008-10-08T22:05:00.003+01:00

Við Stefanía héldum Fair Trade partý í dag. Hugmyndin var að bjóða örfáum konum (því stofan er svo lítil) upp á súkkulaði Fondue búið til úr Fair Trade súkkulaði, kaffi úr Fair Trade kaffi og jafnvel eitthvað meira gott. Og jafnframt að segja þeim hvað Fair Trade er en Fair Trade hugtakið er í raun mjög einfalt og það er að borga bændum og framleiðendum í þriðja heim sanngjarnt verð fyrir sína afurði. Það má lesa meira um þetta hér, hjá Hjálparstarfi kirkjunnar.

Við fórum í Kvickly og fundum þar fullt af Fair Trade vörum en keyptum það sem við þurftum í fondu-ið, ávexti fyrir það, meðal annars FT banana, og svo kaffi. Við vorum búnar að fá lánað fondue sett svo það var allt klárt.

Svo kom kvöldið, ég mætti til Stefaníu rétt um kl. 7 og það var hafist handa við að brytja niður ávexti og súkkulaði sem var svo brætt yfir vatnsbaði. Ég var búin að finna nokkrar uppskriftir af fondue sósu á netinu sem allar innihéldu rjóma, svo honum var skellt útí bráðið súkkulaðið. Það vildi nú ekki betrur en svo til að súkkulaðið bara hljóp í kekki! og ofan á flaut fita. Oj, hvað þetta var ógeðslegt. Svo við hentum því og brutum afganginn af súkkulaðinu niður. Bræddum og ákváðum að setja bara ööörlitin rjóma. Það gekk betur, nema að nú varð þetta bara að einum þykkum köggli. En hann hlyti bara að lagast þegar hann kæmist yfir eldinn á fonduesettinu. Hmm... olíu hellt í það dót... lampaolíu það er að segja. Ætlaði aldrei að takast að kveikja á dótinu og þegar það lokst tókst þá ósaði það svo mikið að við fengum næstum því reykeitrun! Jæja, því var þá skipt út fyrir venjuleg kerti. En súkkulaðið var orðið svo stíft og seigt að það hefði verið hægt að skera það. Ákváðum þá að setja það í pott og hita. Ekkert lagaðist. Ákváðum að hella smá mjólk útí. En nei! Þá hljóp það líka í kekki og yfir flaut gul fita! Usss. Fitunni var hellt af og konunum var bara boðið upp á ávexti og fitulaust súkkulaði sem þær urðu að moka upp á ávextina.

Við lærðum að minnsta kosti hvernig ætti EKKI að búa til súkkulaði fondue sósu! En þetta var þrælskemmtilegt samt sem áður! Bara hið besta kvöld.

Helga

Fjöldasendingar á Facebook

2008-10-07T21:16:00.003+01:00

Facebook er frábært fyrirbæri fyrir fólk og ... furðuverur ... ja eða eitthvað með effi!

En eitt sem ég þoli ekki á Facebook - já og í tölvupósti - það eru svona keðjubréf. Algengustu eru þessi:
"Trykk på "forward" så kan du se hvem som er mest på facebook-siden din"

Hver hefur oftast ýtt á forward - og hvað hefur gerst?? EKKERT... örugglega!

Ég fékk svo eitt í dag, ætla nú ekki að birta það allt hér því það er svo langt, en það byrjar svona:
"READ THIS... SERIOUSLY....IF U DONT PASS IT ON UR FUCKED UP IN THE HEAD!!! Do you remember February 1993 in England , when a young boy of 3 was taken from a Liverpool shopping centre by two 10-year-old boys?..."

Já, þetta var hræðileg saga, þessi um drenginn sem var myrtur. Þetta bréf hvetur fólk til að skrifa undir lista og senda svo á eitthvað netfang, til þess að mótmæla því að morðingjarnir verði leystir úr haldi.

Þetta er allt saman VITLEYSA... þ.e.a.s. þetta er bara keðjubréf sem gengur í hringi, aftur og aftur. Þegar maður fær svona bréf ætti maður alltaf að:

vera fullur efasemda...
ath hvort dagsetning sé sett á bréfið, t.d. með þessa sögu, þá voru morðingjarnir leystir úr haldi árið 2001 - svolítið langt síðan!
athuga hvort einhver sé skrifaður fyrir bréfinu, ef þetta væri alvöru undirskrifasöfnun þá væri sennilega einhver skrifaður fyrir því.
aldrei að skrifa undir keðjubréf.. ef þetta væri alvöru undirskrifasöfnun þá ætti maður að skrifa undir á vefsíðu (þetta á líka við um öll hótunarbréfin sem gengu um allt "frá Hotmail" þar sem maður varð að senda áfram til allra á hotmail addressu bókinni sinni annars yrði hotmailið hjá manni lokað - mitt er enn opið!!)
Gúgglið hluta úr bréfinu, einni setningu, emaili eða fyrirsögninni og ég er viss um að í 98% tilfella fáið þið að sjá orðið "Hoax" (gabb) í leitarniðurstöðum.

Og þá er ég búin að láta þetta flakka. Nei, eitt enn... það eru líka fullt af bréfum þar sem fólk er hvatt til að áframsenda, til styrktar einhverju barni, því "einhver" ætlar að borga svo og svo mikið fyrir hvert nafn/netfang sem er á listanum. Þetta er BULL! Bara bull.

Já og þá er ég búin! Annars er allt fínt að frétta af þessum vígstöðvum, nema að Hinrik er með kossageit (børnesår) og er með stærðar sár í nefi. Hann nýtur þess bara að fá veikindarfrí úr leikskólanum. Ég er að fara í Fair Trade partý til Stefaníu á morgun þar sem við ætlum að borða Fair Trade súkkulaði fondue og drekka Fair Trade kaffi. Eiginlega er þetta bara góð afsökun til að hittast og borða súkkulaði og drekka kaffi! :-)

bless
Helga.

Ís, útsýni og endajaxl

2008-10-03T21:36:00.002+01:00

Við Þórunn skruppum til Þýskalands um daginn (jah, eða í síðasta mánuði), bara svona til að versla og svona. Og að sjálfsögðu stoppar maður í Ítölsku ísbúðinni og fær sér örlítinn ís. Já, eða ég fékk mér örlítinn ís... svona þegar maður ber hann saman við ísinn sem þórunn fékk sér. Þetta er hrikalega góður ís!

Þetta er annars útsýnið frá skrifstofunni sem við höfum í vinnunni. Við erum uppi á 4. hæð og það eru eiginlega ekki almennilegir veggir þarna heldur bara gler. Nema í okkar skrifstofu, við erum með einn heilan vegg. Eins gott því það er frekar erfitt að einbeita sér stundum, bæði þegar margir eru að ganga framhjá skrifstofunni eða þegar mikil bátaumferð er um Alssundið.

Ég fór annars til tannlæknis í gærmorgun. Ástæðan var endajaxl sem var ekki enn kominn upp en var farinn að angra mig. Ég fór í síðasta mánuði útaf honum líka, en þá var komin sýking í kringum hann og tannlæknirinn sagði að það þyrfti að taka hann - einhverntíman.
Ég ákvað að drífa bara í því á meðan við erum hér úti því tannlæknaþjónusta hér er miklu ódýrari en á Íslandi.

Ég mætti því galvösk í gærmorgun, harðákveðin í að drífa bara í þessu. Tannlæknirinn hóf strax handa við að deyfa mig - sjiiiiit hvað það var vont! En sem betur fer fór deyfingin strax að virka og það var hægt að fara að skera fyrir jaxlinum. Þær voru tvær þarna inni, tannlæknirinn og aðstoðarkonan (heitir það ekki tanntæknir) en þegar jaxlinn vildi ekki losna var rokið fram og kallað á aðstoð og kom annar tannlæknir til. Líka kona. Þær voru því þarna þrjár yfir mér og allar með fingur í eða yfir munninum! Sjiiiiiiit hvað þetta var líka... ja ekki beint vont því að ég var auðvitað deyfð en amk mjöööög óþægilegt. Ég hélt t.d. að munnvikið á mér myndi rifna því jaxlinn er auðvitað mjög aftarlega. Og svo var þrýst niður við jaxlinn, honum ýtt til, sagað af honum og svo small í einhverju!! Sjiiiittt hvað það var óþægilegt hljóð! Það var ekki fyrr en það var búið að saga tvisvar af honum sem hann loks losnaði!

Þegar allt var búið og ég sest upp, er hurðinni hrundið upp og enn einn tannlæknirinn - líka kona - hentist inn og spurði "missti ég af því?" Hún afsakaði sig strax við mig og sagðist bara hafa verið með við að greina röntgenmyndina um daginn og hefði viljað fá að sjá þegar jaxlinn yrði tekinn. En hún missti af því og gat ekkert annað en dáðst af þessum risastóra jaxli sem nú lá á stálbakka!

Ég er því núna með þrjú spor saumuð í munninum, stokkbólgin - eins og sést kannski á þessarri mynd - gleypi bæði verkjatöflur og pensilín, og gæti drepið mann með andfýlunni úr mér! Og vá, hvað þetta er vont!

Úff..... hvað er hægt að segja?

2008-10-01T10:07:00.003+01:00

það á ekki af íslensku (vesalings) krónunni að ganga.

Ég var að kíkja á heimasíðu Kaupþings áðan eins og ég geri nánast á hverjum morgni og þar blasti þetta við mér

Þetta er alveg ótrúlegt. Ég man ekki eftir því fyrr að íslenska krónan hafi verið svona hrikalega lág gagnvart þeirri dönsku.
Sjálfsagt hefur það einhvertíman gerst en það eru þá ansi mörg ár síðan.

Og mikið vorkenni ég fólkinu sem hefur tekið svo kölluð myntkörfulán, þar sem hluti eða jafnvel allt lánið er tekið í erlendri mynt, til dæmis í evru eða japönsku yeni. Sá sem tók lán í evrum í fyrra þegar evran var í ca 90 krónum er ekki í alveg nógu góðum málum núna því í dag er evran í tæpum 150 krónum íslensku. Ekki gott.

Nei bara smá fjármálapælingar í gangi þennan morguninn.

Kveðja,
Palli.

Alsíska

2008-09-23T21:56:00.002+01:00

Nei, þetta er ekki alsírska sem gæti verið töluð í Alsír... eins og ég hélt fyrst!! Nei, ég ætla að tala um alsíska sem er töluð á eyjunni Als... sem Sønderborg liggur á, en alsíska er afbrigði af suðurjósku. Þetta er gersamlega óskiljanlegt mál... eða svona næstum því. Hér er dæmi um setningu:

Suðurjóska: Æ ka æe glass uhen at det go mæ naue.
Danska: Jeg kan spise glas, det gør ikke ondt på mig.

Og annað dæmi, tekið af Æ Synnejysk Forening: Hvis vi i æ fremti ska blyw væ mæ å kold voss synnejyder æ vi nøj tæ å bevar voss synnejysk sproch.

Og svo kemur eitt erfitt dæmi:

A æ u o æ ø i æ å.

Hver veit hvað þetta þýðir. Ef þið vitið það... eða viljið giska, skrifið þá í kommentin.

Skemmtilegt þetta!
Helga á Als

Pappírsvinna í vinnunni

2008-09-17T08:40:00.005+01:00

Ég ákvað að blogga í vinnunni! Já, það er bara eiginlega ekkert að gera hjá okkur, þó svo að það sé nóg að gera! Heheheh. Málið er að við þurfum að fara eftir ákveðnum reglum með hvernig við vinnum hlutina, samningar þurfa að vera samþykktir áður en við höldum áfram með að plana forritið og svoleiðis og til þess að fá samning samþykktan þarf að kalla til fund með amk heils dags fyrirvara (og senda samninginn með sem viðhengi þannig að hann þarf líka að vera tilbúinn). Á fundinn mæta 7 manns; við þrjú sem vinnum að verkefninu, 2 leiðbeinendur okkar hér í fyrirtækinu, einn kerfisfræðingur og svo yfirmaðurinn okkar. Það er ansi hreint erfitt að ná öllum saman á sama tíma og nú s.s. lentum við í því að það er enginn laus tími hjá þeim öllum saman fyrr en á mánudag. Þannig að við getum í rauninni ekki byrjað að forrita - þó svo að við séum búin að svindla á því og erum aðeins byrjuð.

En við getum alltaf nýtt tímann til að skrifa ritgerðina.

Allavega. Ég er s.s. að vinna í Alsion þar sem háskólinn er staðsettur, fullt af fyrirtækjum, synfóníuhljómsveitin hefur aðsetur og tónleikasalurinn er staðsettur hér. Það er einmitt opið hús þar í dag á milli kl. 14 og 15 og mun symfóníuhljómsvietin vera að æfa fyrir tónleika sem verða annað kvöld.
Ég ætla sko að mæta á eftir milli 2 og 3!

Palli er búinn að panta flug fyrir okkur heim... við komum 11. desember, seint um kvöld. Þá er það ákveðið og ekki aftur snúið! Fólk er líka farið að koma til að skoða íbúðina! Það birtist ein kona í gær, alveg án þess að hringja á undan sér! Ég var ekki ánægð með það, en ég var ekki heima heldur Eyþór.

Talandi um Eyþór, hann er að verða svo hrikalega góður í eldhúsinu að það er alveg frábært. Á sunnudaginn bakaði hann pönnukökur, og að sjálfsögðu er hann ekkert að hanga yfir einni pönnu heldur notaði tvær!

Kannski maður ætti að reyna að gera eitthvað af viti hér!

Helga.

Ákvörðun tekin

2008-09-14T00:46:00.005+01:00

Jæja, þá er búið að taka ákvörðun. Að minsta kosti þar til annað verður ákveðið. Ákvörðunin er sú að við ætlum að flytja á Hvammstanga! Og hananú. Nú er bara aðalmálið að finna húsnæði. Veit einhver um eitthvað stórt hús sem kostar lítið handa huggulegri fjölskyldu? Helst með bílskúr. Myndir af bílskúrnum vel þegnar.

Ég er annars ekki búin að vera beint í bloggstuði undanfarið. Ég fékk nefnilega að vita það í síðustu viku að samkvæmt reglum LÍN þá á ég ekki rétt á námslánum fyrir síðustu önnina því hún er svo stutt, er í rauninni bara hálf og þar af leiðandi bara 15 ECTS einingar á henni en reglan segir að maður þurfi að taka 20 ECTS einingar að lágmarki. Og ekkert tillit tekið til þess að önnin er hálf en ekki heil, og að námið sé bara svona uppbyggt svona í skólanum.

Ég var s.s. búin að fá að heyra það frá ráðgjöfum LÍN að ég ætti ekki rétt á þessu, svo ég skrifaði bréf til stjórnarinnar sem var svo tekið fyrir á stjórnarfundi og í kjölfarið fékk ég sama svar og áður; að ég yrði að bæta við mig einingum!

Ég hafði því samband við SÍNE sem er Samband Íslenskra Námsmanna Erlendis og sú ágæta kona sem vinnur þar bað mig um að senda sér öll þau gögn sem ég hefði frá LÍN en hún mun sitja sem fulltrúi námsmanna á vafamálafundi sem verður haldinn hjá LÍN í næstu viku. EF þeir telja mitt mál vera vafamál þá skilst mér að það verði tekið upp á stjórnarfundi seinna í haust, nú og ef ekki... já eða það teljist ekki vera vafamál, þá get ég sent það áfram til Málskotsnefndar.

Það sem mér finnst asnalegast er þetta;
1. ég er að klára og má eiginlega ekkert við því að vera að hafa áhyggjur af þessu núna
2. ég er ekki að biðja um ölmusu eða styrk heldur lán sem ég kem til með að borga til baka

En svona er þetta bara! Ég er nú bara að grenja yfir nokkrum hundraðþúsundköllum og gæti alveg reddað þessu með bankaláni. Ég er ekki að tala um tæplega 10 milljónir eins og hún Ragna mamma Ellu Dísar skuldar vegna veikinda Ellu og hún fær ekki niðurgreiðslur frá TR. En það er hægt að lesa um það allt inni á blogginu þeirra.

Annars var ég að koma heim frá spilakvöldi heima hjá henni Dísu þar sem við vorum 6 skemmtilegar stelpur að spila hin ýmsu spil! Hrikalega skemmtilegt!

Er farin að sofa...
Góða nótt
Helga

p.s. kleinubakstur tókst með afburðum vel og seldist allt upp - ég kom heim með 5 stykki sem urðu afgangs. Leikurinn verður endurtekinn næsta laugardag.

Kleinur til sölu... kosta eina.. já nei.

2008-09-10T20:36:00.001+01:00

Nú býðst alveg einstakt tækifæri til að kaupa nýsteiktar kleinur. Við Hrund erum að safna fyrir Írlandsferð í október og ætlum því að steikja alveg geðveikt mikið af kleinum á laugardaginn þann 13. september.

Fólk er hvatt til að láta þetta tækifæri ekki fram hjá sér fara og panta nokkra poka. Pokinn inniheldur ca 20 stykki kleinur (um 500 gr) og kostar 50 kr stykkið... sko pokastykkið, ekki kleinustykki!
Hringið í mig í síma 41283693 eða Hrund í síma 26793431 og pantið.

Dómarar í raunveruleikaþáttum

2008-08-29T19:31:00.005+01:00

Eins og alþjóð veit er ég með Raunveruleikaþáttasyndróm! Ég skil eiginlega ekkert í því afhverju það hefur enginn boðið mér í viðtal út af þessum ólæknandi sjúkdómi en það er annað mál.
Við erum í þessum pikkuðu orðum að horfa á Talents 2008 sem er danska útgáfan af Britain's got talent. Fínir þættir!
En það sem ég var að velta fyrir mér er þetta:

Afhverju eru dómarar í svona hæfileikaraunveruleikaþáttum alltaf 2 menn og ein kona??

Skoðum dæmi:

Dómararnir í American Idol eru sjálfsagt frægastir allra hæfileikaraunveruleikaþátta. 3 menn, 1 kona.

X-Factor á Íslandi... dómarar; 2 menn og ein kona.
Idol Stjörnuleit á Íslandi... dómarar; 2 menn og ein kona.

ALLIR Talent þættir sem ég hef séð (Britain's got Talent, Norske Talenter, America's got Talent...) 2 menn og ein kona!

Meira að segja einn sá nýjasti; Oprah's big give... 2 menn og ein kona!!!

Hvað er málið??

Einu þættirnir sem ég man eftir í augnablikinu þar sem karlkynsdómarar eru í minnihluta er Project Runway og America's Next Top Model.

Er þetta í lagi? Þurfum við konur... nei... ég skal leiðrétta mig... þarf ÉG ekki að fara að gera eitthvað og reyna að troða mér inn í einhvern þáttinn sem kvenkynsdómari númer 2??

Brjálað að gera!

2008-08-23T19:21:00.003+01:00

Það er annað hvort í ökkla eða eyra! Suma daga hefur maður ekkert að gera og aðra daga kemur maður varla heim til sín nema til að sofa. Það var þannig dagur í gær. Það var reyndar ágætis afslöppun fyrir hádegi... við bekkjarfélagar mínir ákváðum að "vinna heima" þennan dag. En strax um kl. eitt byrjuðu lætin. Þá brunaði ég með Dísu á leikskólann að sækja ungana okkar sem voru að koma heim frá Koloni. Það gekk alveg rosalega vel þar... ekki að ég hefði búist við neinu öðru miðað við hvað Hinrik var spenntur fyrir ferðina. Hann hafði tekið fullt af myndum sem voru svo skemmtilegar að skoða. Smellið á linkinn fyrir neðan myndina til að sjá albúmið:

From Koloni 2008

Það var boðið upp á kaffi og kökur í leikskólanum og maður aðvitað settist aðeins niður. En það var ekki hægt að stoppa lengi því það átti eftir að henda Dísu, Dagnýju og Hinrik til Stefaníu, sækja Marek í skólann, skutla Palla í vinnuna og ná heim til Stefaníu ÁÐUR en handboltaleikurinn byrjaði! Það tókst nú ekki alveg, en það voru ekki nema nokkrar mínútur búnar! Og jesús minn hvað það var gaman að horfa á leikinn. Verst að heyra ekki lýsinguna á íslensku því ég er bara ekki nægilega sleip í dönsku til að skilja allt sem sagt er.

Allavega, strax eftir leik og eftir að hafa þurrkað tárin úr augunum eftir sigur liðsins (enn og aftur HÚRRRRRRAAAA!!!) var brunað niður í bæ. Það var nefnilega menningarnótt og skólinn minn ætlaði að vera með tjald til að kynna skólann og reyna að safna pening fyrir Írlandsferð sem við erum að fara í í október. Mitt framlag var s.s. að hjálpa til við að setja upp tjaldið. Það varð svo allt klappað og klárt fyrir kl. 5 og þá gátum við aðeins skoðað okkur um áður en við þurftum að sækja Palla í vinnuna. Hér var ég ekki enn búin að jafna mig eftir handboltann!

Palli sóttur og brunað niður á Kegnæs þar sem Iddi vinur Palla og fjölskylda og tengdafjölskylda hans voru með bústað á leigu. Það borðuðum við grillkjöt og meððí. Ekki var nú nægt að stoppa nægilega lengi þar því menningarnóttin beið. Ég hafði í fyrra lofað stráknunum að vera lengi á menningarnótt þetta árið og ætlaði sko ekki að svíkja það loforð. Sáum tónleika, flugelda, fullt af fólki og fleira! Fórum að sofa rétt fyrir kl. 23:30.

Ekki gat ég samt sofið út! Nei, við Hrund vöknuðum næstum fyrir sólarupprás til að steikja kleinur í morgun. Ástæðan: fjáröflun fyrir Írlandsferð!
"En afhverju að vakna svona snemma" spyr nú eflaust einhver. Já, það er einmitt góð spurning en það var vegna þess að okkur hafði verið boðið í afmæli til Tristans kl. 10 og svo til Dagnýjar Evu kl. 16 svo það var enginn tími þann daginn til að steikja. Matseðill dagsins hefur því verið kleinur í morgunmat (hjá mér, ekki hjá strákunum eða Palla) kökur og kaffi í hádeginu, fleiri kökur um kaffileytið og enn fleiri kökur í kvöldmatinn. Sem betur fer var mikið um brauðrétti svo við vorum nú ekki eingöngu að borða sykur! :-) Ekki að ég hefði nokkuð haft á móti því svosem.

En allavega... leikur í fyrramálið! Sjitt hvað ég hlakka til! Svo getur maður loks farið að slappa aðeins af. Heima hjá sér, það er að segja.

Takk fyrir þessa tvo daga - öll þið sem við höfum hitt :-)

Bless í bili
Helga.

Spenna og skemmtilegheit

2008-08-19T16:01:00.004+01:00

Það er nú meira hvað lífið getur verið spennandi!
Á sunnudaginn þegar við Palli fórum á flóamarkaðinn í Flensburg og ég sá að allt bílastæðið við Förde Park var undirlagt söluborðum. Sjiiitt sem ég fékk mikinn fiðring í magann af tilhlökkun. Þetta var bara geggjað, reyndar keyptum við ekki mikið enda var ekki margt sem okkur vantaði bráðnauðsynlega! En ég keypti nokkra hluti í smáhlutahilluna og mjólkurbrúsa fyrir Olgu.

From helguhlutir

Það eru fleiri myndir í albúminu. Smellið bara á linkinn hér við myndina.

Ekki er svo hægt að slappa af yfir handboltanum á Ólympíuleikunum! Ég meira að segja kom of seint í skólann í morgun því ég gat ekki hætt að horfa á leikinn á móti Pólverjum. Vá hvað hann var flottur! Ég hef bara sjaldan séð íslenska liðið standa sig eins vel og í þeim leik... ég er nú kannski ekki sú allra harðasta þegar kemur að handboltaglápi en reyni samt alltaf að horfa á landsleiki á stórmótum. Á laugardaginn næsta er okkur boðið í tvö afmæli og ég geri bara ráð fyrir því að það verði kveikt á sjónvarpinu þar og horft - því auðvitað vinna íslendingar leikinn á föstudaginn. Eiga þeir þá ekki að spila á laugardaginn? Eða sunnudaginn? Hvernig er þetta eiginlega??

Annars er bara allt fínt að frétta af okkur. Ég átti að byrja að vinna hjá Saab að lokaverkefninu okkar á þriðjudaginn en þeir voru víst ekki tilbúnir fyrir okkur svo við byrjum ekki fyrr en á mánudaginn næsta. Þangað til erum við bara að reyna að undirbúa okkur í skólanum. Það kemur sér vel fyrir Palla því þá þarf hann ekki að taka strætó í vinnuna á meðan.

Hinrik er í "Koloni" með deildinni sinni í leikskólanum. Þá fara þau í sumarbústað einhverstaðar rétt fyrir utan Sønderborg og gista í tvær nætur. Hann var svo spenntur yfir ferðinni að hann vildi helst fara í gærkveldi. Og svo vildi hann helst fara að sofa kl. 19:30 í gær svo tíminn liði hraðar. Og hann tönglaðis á því að hann yrði sko í TVÆR nætur. Þvílík spenna í gangi. Það var svo ekkert smá skrítið að sækja hann ekki um kl. 4 í dag. Hann fékk að taka gömlu myndavélina mína með sér, ég vona bara að hann muni eftir að taka myndir og þær verði ekki allar hreyfðar. Þetta er jú gömul digital vél.

Upprennandi fatahönnuður

2008-08-15T11:47:00.000+01:00

Marek fór að tala um það upp úr þurru fyrir nokkrum dögum síðan, að Hinkik vantaði galdraföt. Ég hef ekki hugmynd um afhverju honum fannst það, kannski vegna þess að hann ætlar sjálfur í galdraskóla þegar hann verður eldri.

Eftir að hafa minnst á galdrafötin hans Hinriks nokkrum sinnum og það að við þurfum að sauma þau, bað ég hann um að teikna þau á blað svo við gætum saumað þau og volá, hér er teikningin.

Hann útskýrði að hann hefði teiknað fötin bæði eins og Hinrik væri í þeim og svo líka sitt í hverju lagi. Glæsileg teikning, ekki satt? Verst að ég er ekki með saumavélina hér úti.

Facebook!!

2008-08-13T00:53:00.002+01:00

Internetið er bara bóla! Eða hvað? Er Facebook bara bóla? Maður er allavega ekki maður með mönnum nema maður sé á Facebook. Og svo addar maður næstum því öllum sem maður svo mikið sem kannast við. Ég er t.d. með stelpu sem er dóttir vinkonu mömmu! Ég hef sjálf hitt þessa stelpu tvisvar eða þrisvar sinnum.

Mér fannst þetta alger vitleysa fyrst, skráði mig inn bara til að skoða og ætlaði sko ekki að fara að verða eitthvað föst í þessu. En þá fann hann Hakan vinur minn mig á Facebook. Ég sem var algerlega búin að tapa sambandi við hann eftir að við fluttum út! Gott að finna Hakan! Ok, kannski maður gefi Facebook sjens.

Á Facebook er hægt að gera allan andskotann, maður þarf bara aðeins tíma til að LIGGJA í þessu og svo hafa hugarflug í að leita að dóti til að liggja í. Það heitasta í þessarri tölvu er að spila Scrabble við vini sína, já eða "ekki vini" sína. Ekki að það séu óvinir... bara fólk sem maður kannast ekki við. Scrabble örvar auðvitað heilastarfssemina því maður þarf svo mikið að hugsa svo maður fái mörg stig.

Svo er þarna leikur sem heitir Owned, þá selur maður myndir af sér og kaupir aðra, vini og ókunnuga. Við hverja mynd sem selst frá manni græðir maður meiri pening. Verst að þetta eru ekki alvöru peningar því þá gæti ég keypt mér einbýlishús með útisundlaug. Eða hús og bíl. En þetta eru sýndarpeningar. Ætli vinir manns séu þá kannski líka sýnarvinir?

Mamma er að minsta kosti ekki sýndarmamma, þó hún sé á Facebook - því eins og ég sagði; maður er ekki maður með mönnum nema maður sé á Facebook.

Ert þú á Feisinu? (Smá könnun - verið nú dugleg að kvitta - já eða nei)

Sárið hans Mareks

2008-08-04T23:40:00.001+01:00

Við fórum niður að strönd fyrir viku síðan, eins og bloggað var um í þarsíðustu færslu. Það sem ekki var bloggað um, en verður úr bætt hér í þessari færslu, er sagan um sárið hans Mareks. Hann tók nefnilega eftir stærðar blöðru á hnénu á sér, á þriðjudaginn eftir sjóferðina. Blaðran var virkilega risastór - svona miðað við lítið hné - og sprakk hún fljótlega og lak hálf gulur vökvi úr. Frekar ógeðslegt og Marek var strax viss um að þetta væri eitur.

Mamman á góða vinkonu sem er hjúkrunarfræðingur og hefur því erft mikla visku frá henni og kunni því vel að þurrka upp vökvann sem annars rann niður fótlegginn á barninu. Að öðru leiti var ákveðið að láta blöðruna vera. Á miðvikudaginn var afmæli hjá Önju frænku og fór Marek í sparibuxurnar sínar sem eru svartar flauelsbuxur. Eftir afmælið var sprungna blaðran orðin svört af kuski og neyddist hann til að fara í sturtu til að skola sárið. Leit allt nokkuð vel.

Á laugardaginn var svo önnur afmælisveisla hjá Kristjáni Kára og ákvað ég að spyrja fólkið þar hvort það vissi eftir hvað þessi blaðra gæti verið. Hvort það gæti verið að hann hafi verið stunginn af marglyttu. Marek dró upp buxnaskálmina (aftur svörtu sparibuxurnar, því maður er jú alltaf spariklæddur í afmælum) og þá bara leit sárið alls ekki nægilega vel út. Hann var því meðhöndlaður af sjúkraliða á staðnum. Mamman brunaði heim og sótti Bactigras grisju sem allt læknar og svo var bundið rækilega um sárið.

Í dag tókum við svo plásturinn af og settum nýtt á og leit allt mun betur út. Þetta er því allt í áttina. Því miður er þessi mynd sem ég tók á símann minn ekki alveg nægilega skýr en það sést samt hvað sárið er stórt miðað við baðmullarskífuna sem Lára heldur við fótinn.

Annars var Marek heldur glaður í gærmorgun þegar hann kom og vakti okkur Palla með þær gleðifréttir að hann væri með lausa tönn. Það væri sko ekki fréttnæmt ef þetta væri ekki tönn númer 3 sem losnar, og hann orðinn 8 og hálfs árs gamall!

Þeir strákarnir allir eru mjög hrifnir af því að fá símann minn lánaðan til að taka myndir. Þegar ég var að hlaða myndunum af honum inn á tölvuna sá ég að þeir hafa ansi oft fengið hann lánaðan! Svo ég ákvað að búa til myndaalbúm fyrir þær myndir sem þeir taka því það er oft ansi skemmtilegt að skoða hvað þeim finnst vera áhugavert myndefni!

Eyþór Logi á afmæli í dag

2008-08-02T19:02:00.000+01:00

Já, frumburðurinn er bara orðinn 12 ára! Ótrúlegt! Ég varð reyndar að hugsa mig aðeins um til að vera viss um að þetta væri alveg rétt. En það er það. Af því tilefni ákvað ég að skanna inn nokkrar gamlar myndir af honum:

Hér er hann um tveggja og hálfs árs með Elvari Austra frænda sínum.

Þessi mynd var tekin hjá Bonna ljósmyndara þegar hann var rúmlega tveggja ára.

Og þessi mynd er akkúrat 9 ára gömul, Eyþór á þriggja ára afmæli þarna og við borðið sitja (frá vinstri til hægri) Kári, Kristófer, Ólafur og Eyþór og Steinunn stendur við vegginn. Je, hvað það er langt síðan, samt svo örstutt!

Elsku Eyþór okkar, til hamingju með daginn í dag :-)

Nafnapælingar

2008-07-31T13:40:00.002+01:00

Við Palli höfum verið að spá í nöfn undanfarið... jah, undanfarin ár eiginlega. Ekki svona barnanöfnum - nei við erum ekkert að fjölga okkur erum alveg búin með þann kvóta. Nei, við höfum verið að spá í bara nöfnum almennt.
Eins og t.d. ef einhver heitir Bert, sem er náttúrlega útlenskt nafn, en Bert þessi væri vænsti karl og ætti heima á milli tveggja bræðra... eða systra, en
væri dags daglega kallaður Bert á milli.
Eða að heita Guðrún og vera kölluð Gudda... það eitt og sér væri ekkert merkilegt, en hvað ef hún næði sér í tyrkneskan mann og væri þá kölluð Tyrkja Gudda.
Og ef einhver gæti ekki sagt "s" heldur kæmi svona "HL"hljóð í staðinn og heita Tristan - eða TriHLtan.

Endum þetta á sögunni klassísku um bekkjarafmælið sem er saga með nöfnum sem öll eru í mannanafnaskrá (lesist upphátt):
Bekkjarafmælið

Ósk Ýr gekk rösklega með Brand Ara í afmælið til Egils Daða
því hún var að verða of sein að sækja Leif Arnar og Loft Stein í leikskólann.
Borgar Vörður, pabbi Egils Daða, tók á móti þeim.
Þarna voru Lind Ýr, Líf Vera, Sól Hlíf og Hreinn Bolli.
Erlendur Hreimur kom blaðskellandi innan úr stofunni
og vinkonurnar Vísa Skuld og Dís Ester fast á hæla honum.
Mýra Þoka lét lítið fyrir sér fara úti í horni.
Innan úr herbergi Egils Daða bárust ógurlegir skruðningar.
Línus Gauti, Barði Vagn og Mist Eik voru greinilega mætt.
En hvar var Ríta Lín?
Fyrir utan var Sædís Líf í rauðum fólksvagni.
Hægt og sígandi nálgaðist Jökla Þoka eftir stígnum.
Ilmur Blær var einnig sein fyrir og bekkjarbróðir þeirra Ilmur Blær kom hjólandi. Í hliðinu stóðu Listalín Tala og Mábil Lill.

Þegar Ali Bambi kom síðastur með Liv, þá var hægt að byrja

Við munun nú ekki eftir fleiri svona skemmtilegum nöfnum. Hvað með ykkur?

Eins og bráðið smjér

2008-07-28T23:09:00.002+01:00

Það er hitabylgja í gangi. Loksins að það kemur "gott" veður þá verður það eiginlega allt of gott! Er maður nokkurn tíman ánægður með veðrið? Jú, jú, einhverntímann.

En það er allavega strandveður eins og sést á þessum myndum. Ég sjálf hef aldrei -

From Júlí 2008

ALDREI - farið eins "langt" út í sjóinn og í gær en þá óð ég... jah... ansi hreint langt! Alveg upp að öxlum held ég bara. Allavega ef ég beygði hnén örlítið. Ég er nefnilega sjúklega sjóhrædd.

En þetta var rosalega gaman. Minna gaman svo um kvöldið þegar ég uppgötvaði að ég var hrikalega brunnin á vinstri öxlinni og eitthvað út á bakið, en aðalega á öxlinni. Svo mikið að það var eiginlega bara sárt. Svo ég fékk After Sun smurning lon og don allt kvöldið og svo um nóttina tók ég frystigel úr frystinum, vafði

From Júlí 2008

pakkanum inn í handklæði og svaf með það við öxlina. Miklu betra.

Ég er að minsta kosti ekki lengur hvít heldur meira laxableik.

Helga bleika

Komin aftur heim

2008-07-26T21:52:00.003+01:00

Oh, hvað það er gott að vera komin aftur heim. Það besta við ferðalög er að koma aftur heim! Það er ekki spurning. En Pólland var æðislegt - eins og alltaf. Eitt af því besta við Pólland er það að geta farið að borða á Pizza Hut; 2 deep pan medium pizzur og tvo stóra drykki með áfyllingu og fara svo í bíó, með drykki og smá súkkulaði og borga undir 200 kr danskar fyrir kvöldið! Æðislegt. Enda fórum við tvisvar í bíó! Sáum bæði Hancock og Maid of honour.

Við gistum á Park Hótel sem var æðislegt - aðalega vegna þess að það var svo kósí.

Við fórum svo auðvitað og versluðum pólskt stell og kristal - alveg geðveikt mikið (mest fyrir annað fólk) og fengum alveg topp þjónustu! Allt sem við keyptum var pakkað extra vel inn og af því við versluðum svo mikið (eða ég held að það hafi verið ástæðan) þá gáfu hjónin okkur stórt ferkantað mót, svona eins og fyrir lasagna! Hrikalega flott og mjög rausnarlegt hjá þeim. En þetta var ekki nóg heldur keyrði karlinn okkur með allar vörurnar að bílnum okkar! Súper góð þjónusta.

En já, fín ferð.
Helga

Mikið að gera

2008-07-20T18:04:00.003+01:00

Jesús minn, bara komin vika síðan síðast var bloggað! Og heilmikið búið að gera á þessarri viku svo sem:

Hitta Einar, Svövu og börn
Fara út á Rømø
Fara í klippingu
Fara með öll börnin í Fun Park í Þýskalandi
Drekka ótæpilega af hvítvíni og rauðvíni
Fara til Esbjerg og hitta Ingvar, Sigrúnu og börn ásamt Einari, Svövu og börnum
Fara í sund í Esbjerg í geðveika sundlaug
Fara í Legeland í Esbjerg
Borða hrikalega góðan mat og drekka meira hvítvín
Spila Trivial Pursuit - alltaf skemmtilegt spil.

Þess á milli, hefur verið reynt að slappa eins mikið af og hægt er.

Það sem er svo á dagskrá næstu daga er að slappa meira af, taka á móti mömmu á miðvikudagskvöld og fara svo til Stettin á fimmtudagsmorgun. Já, það er sko nóg að gera.

Helga.

Markaður í Flensburg

2008-07-13T16:11:00.003+01:00

Ég skellti mér til Flensborgar í dag. Frétti sko af því í hádeginu að það væri markaður þar og ákvað í skyndi að skella mér. Hringdi í Eddu og spurði hvort hún væri til í að fara með mér (á hennar bíl sko) og hálftíma seinna vorum við farnar.

Þar var sko fullt af góssi og hljóðfærum og dóti og keypti ég þetta hljóðfæri hér að ofan, unnustanum til mikillar ánægju og svo Yu-Gi-Oh spil, drengjunum til mikillar ánægju. Hlýt ég því að fá að launum útnefningu til bæði unnustu- og mæðraverðlaunanna í ár! Jii, hvað ég hlakka til!

Annars heitir þetta hljóðfæri zither og er þetta önnur "harpan" sem við eignumst. Og sú þriðja sem við kaupum því Mundi fékk eina. Palli hlakkar líka til að geta farið að spila á hörpurnar með Munda og ég stakk upp á því að þeir stofnuðu Hörpusveit Hvammstanga með þær Hörpu Vilberts og Hörpu Þorvalds sem söngkonur. Það yrði hrikalega fyndið!

Þessi markaður verður næst haldinn 17. ágúst og þá ætlum við Edda að verða mættar kl. 8 stundvíslega (svona circa) og ábyggilega með fleiri konur með okkur.

Oh, ég hlakka sko til að fara á markaðina í Póllandi! Ég elska markaði! Er nokkuð annað hægt??

Helga harpa.

Viðbót, bætt inn þann 15. júlí 2008 kl 00:27 að staðartíma.
Ég var að setja inn myndir frá Danfoss Universe ferðinni sem við fórum í dag.
Þær eru hér efst til hægri á síðunni.

Fólk á faraldsfæti

2008-07-12T18:36:00.004+01:00

Eyþór er farinn til Íslands. Húsfreyjan komin heim frá Svíþjóð. Hjónaleysin eru á leið til Póllands. Amma er á leið til Danmerkur.

Þetta er það helsta að frétta af flökkufjölskyldunni á Ringgade sjötíuogsjö.

Malmö var yndisleg - og það var Birgitta líka. Hún bað að heilsa öllum sem hún þekkir og sagðist sakna Hvammstanga mikið.

Við Palli ætlum að skella okkur til Szczecin í Póllandi eftir 12 daga (án þess að nokkur sé neitt að telja) í kærustuparaferð. Mamma kemur út til að passa og slappa af og hlakka strákarnir til að fara með hana niður á strönd.

Annars var ég að spá í það um daginn í lestarferðinni heim aftur hvað sumt fólk er líkt öðru... þ.e.a.s. ég er svo oft að sjá fólk hérna sem minnir mig á annað fólk sem ég þekki. Það var t.d. um daginn að við Marek fórum á McDonalds að ég sá "Ólu Maju" sem var með mér í HA. Þessi kona var svo hrikalega lík henni að ég varð að stara á hana til að fullvissa mig um að þetta væri ekki hún. Svo var það líka í vetur, einmitt í lestinni, að það kom inn kona sem var svo sláandi lík henni Ingibjörgu á leikskólanum Kiðagili. Ég einmitt starði alveg dónalega mikið á konuna og tók meira að segja mynd af henni á gemsann minn því mér fannst þetta svo fyndið. Og í skólanum mínum er líka einhver kona sem er alveg hrikalega lík henni Öldu Herdísar- og Pétursdóttur. En ég hef nú ekkert verið að mynda hana! Hahahahaha...

En þannig er það nú.
Helga.

Að blogga það sem sagt er.... á MSN.....MJÖG ÞÆGILEGT.

2008-07-05T23:27:00.002+01:00

Hér hefur ekki verið bloggað í nokkra daga.
Ástæða: Helga er ekki heima.
Nei, hún Helga mín skrapp til Kastrup í gærdag með Eyþór í flug (hún bloggar líklega eitthvað um það hér síðar) en það fannst henni ekki nóg. Eins og alþjóð, sem þekkir Helgu, veit þá er hún útlandaóð og notar hvert tækifæri sem henni gefst til að fara til útlanda svo hún hélt áfram frá Kastrup til vinkonu sinnar Birgittu Sívert (eða hvernig það er skrifað) en hún býr í Malmö, sem er í Svíþjóð ef ég man rétt.
En hún Sigga Hreins vinkona okkar á Akureyri var eitthvað að skammast í mér yfir því að það væri ekki búið að blogga neitt nýlega. Svo hér kemur svona örblogg:

Sigga says:
Hæ Palli litli
Palli litli says:
Sæl Sigga mín.
Sigga says:
hva ég bara commenta á fullu en þið bloggið ekkert
Sigga says:
var að enda við að commenta á ykkur
Palli litli says:
Ég nenni því ekkert og Helga er í Svíþjóð.
Sigga says:
þá ætti nú að vera eitthvað að gerast sko meðan frúin er ekki heima eitthvað fréttnæmt
Sigga says:
þú brenndir matinn og svona
Sigga says:
eða bara koma með smá örblogg
Sigga says:
allt fyrir mig svo ég geti commentað
Palli litli says:
Hvað meinarðu? Heldurðu að ég geti ekki steikt hakk án þess að brenna það?
Sigga says:
hehe bara grín auðvitað veit ég þú myndir fara eftir uppskrift steikja hakkið í 20 mín á hvorri hlið
Sigga says:
og snúa þvi við í heilu lagi sem sagt brenndu
Palli litli says:
Ég nenni bara ekki RASSGAT að tala við þig. Þú ert bara leiðinlegur kennari sem heldur að ég geti ekki snúið hakki við í heilu lagi án þess að brenna það. VERTU BARA SÆL.

Hér með lauk okkar samtali á MSN..... EKKI.
En ég nenni ekki að blogga meira.

Hilsen í beli.
Palli.

Loksins sumarfrí

2008-07-02T15:41:00.003+01:00

Það er loksins búið að síast inn að ég sé komin í sumarfrí. Það sem er eftir af skólanum er lokaverkefni sem verður unnið á vinnustað. Ég verð með tveimur strákum í hóp og við fórum í heimsókn í "okkar" fyrirtæki í gær. Það heitir SAAB (já, einmitt; bílaframleiðandinn) og er að gera fullt af forritum fyrir danska herinn. Við verðum samt ekki að búa til heitt svoleiðis heldur gerum við forrit sem heldur utan um upplýsingar um alla starfsmenn sem vinna þarna.

Í haust verður farið í skólaferðalag til Dublin. Ég hlakka ekkert smá til, enda hef ég aldrei komið til Dublin áður. Við verðum í 5 daga þarna og ætlum að skoða einhver tölvufyrirtæki, svona á milli þess sem við verslum og skoðum okkur um. Við Hrund ætlum að vera með fjáröflun þar sem við ætlum að selja kleinur til að safna upp í ferðina. Þess vegna var gerður prufubakstur í dag. Við bökuðum tvær mismunandi uppskriftir, buðum svo fólki í kaffi og létum smakka báðar tegundir. Í næstu viku ætlum við svo að steikja kleinur og selja og við vonum bara að fólk taki vel í þetta.

Eyþór er svo að fara til Íslands á föstudaginn og hann verður þar í rúmlega 5 vikur eða næstum því allt sumarfríið. Hann er guðslifandi feginn að losna úr hitanum hérna og var farinn að skipuleggja einhverjar hljómsveitaræfingar heima skilst mér.

Ég fer með hann til Kaupmannahafnar og ætla loksins að láta verða af því að fara í heimsókn til hennar Birgittu Sievert í Malmö. Ég get varla sagt að ég hafi farið til hennar fyrir utan rúma 2 tíma í fyrravor þegar við skruppum öll yfir sundið til hennar. En í þetta skipið ætla ég að gista tvær nætur. Já, það verður sko gaman hjá henni Birgittu!

Takk fyrir allar kveðjurnar í kommentunum!

Meira seinna.
Helga í sumarfríi

Örblogg

2008-06-26T17:12:00.001+01:00

Náði prófinu
Fékk 10
Ahhhhh......

..... Og þá hefst hið endalausa h*#&%$#s verkefni að þrífa íbúðina.

Ég er sprelllifandi

2008-06-24T00:53:00.004+01:00

Ég er B-manneskja. Ég vil helst sofa út á morgnana - þó svo það sé ekkert vandamál að vakna snemma ef ég þarf þess. En ég er lengi að sofna á kvöldin. Og þó ég sé drulluþreytt allan daginn og hugsa mér að fara snemma í háttinn þá bara glaðvakna ég um 10-leytið og vaki frameftir.

Kvöldið í kvöld er eitt svoleiðis. Venjulega, þegar ég get ekki sofnað þá sný ég mér við í rúminu, þ.e. set koddann þar sem fæturnir eru og öfugt. Það svínvirkar.

En í kvöld, áður en ég ákvað að snúa mér við fór ég að hugsa um hversu óskaplega heppin ég sé að vera lifandi. Ekki bara svona allmennt séð heldur aðalega vegna þess að ég ólst upp á svo hættulegum tíma að það er eiginlega alveg undravert að ég sé enn lifandi.

Ég ólst upp í sveit - það eitt og sér er nú bara stórhættulegt. Þar var hægt að valsa um frjáls eins og fuglinn. Við stífluðum bæjarlækinn og syntum í honum, man ekki einu sinni hvort við systurnar vorum yfir höfuð orðnar syntar. Við steiktum kartöflur og gorkúlur yfir opnum eldi - þegar verið var að brenna rusli - og vegna einhvers kraftaverks hlutum við aldrei brunasár. Ég lærði að slá með orfi og ljá. Enn með alla upprunalega útlimi áfasta. Keyrði traktor frá ca 7 ára aldri og lærði á Land Roverinn 11 ára. Fór helst ekkert úr honum eftir það. Maður fór á hestbak berbak og jafnvel beislislaust. Ég valsaði bæði niður í fjöru og upp í fjall þar sem við tíndum ber og bestu berin v0ru alltaf á einhverri mjórri syllu í berginu svokallaða fyrir ofan bæinn heima. Til að komast í sund þurfti að hjóla um 8 kílómetra yfir á Laugarbakka og það gerði maður án þess að hugsa sig tvisvar um. Hjálmlaus. Oft hjólaði ég niður á Hvammstanga og þá var skemmtilegast að leika sér niður á bryggju. Þar var stundum stolinn pínulítill plast árabátur og siglt í höfninni. Björgunarvestislaus. Svo maður tali ekki um það sem maður át; kókópuffs og franskbrauð. Trix sem var svo stútfullt af litarefnum að það var því miður bannað á Íslandi. Ávextirnir sem maður borðaði töldu aðeins fimm tegundir: epli, appelsínur, banana, perur og svo mandarínur á jólunum. Grænmetið var sko langt frá því að dekka 1/3 af disknum - jú kannski ef maður hefði safnað saman yfir nokkrar vikur. Þegar pabbi ræktaði svo rófur át maður þær beint upp úr jörðinni, rétt að skola aðeins í næsta skurði - ef eitthvað vatn var að finna. Maður smakkaði drullumall og lét ánamaðka á tunguna á sér væri maður manaður í það.

Svo fær maður næstum hjartaáfall ef maður uppgötvar að einhver sonurinn hefur gleymt að spenna bílbeltið og maður hefur þegar keyrt 100 metra. Eða að þeir tali um að fara út að hjóla - aleinir - og það með hjálm. Ekki má klifra - maður gæti dottið. Alls ekki leika sé að eldi - maður gæti brennt sig. Ekki má hlaupa yfir götu - gæti orðið undir bíl. Hvað má?

Er maður orðinn of taugaveiklaður gagnvart sínum eigin börnum? Það er spurning.

Ég er farin aftur upp í rúm.
Góða nótt.
Helga - þakklát fyrir lífið.

Mikið að gera og samt mikil leti í gangi

2008-06-15T17:33:00.003+01:00

Við eigum að skila síðasta verkefninu okkar á þessarri önn á þriðjudaginn, sjálfan þjóðhátíðardaginn! Þeim er sko ekkert heilagt þessum Dönum! Djók!
Þetta verkefni sem við (með "við" á ég við mig sjálfa, Hrund og Janus) erum að gera er hvorki erfitt í gerð né flókið - svona miðað við undanfarin verkefni. Það er engin forritun. Þetta er "bara" ein ritgerð um kerfisþróun (System development). En það er alveg ótrúlegt hvað þessi ritgerð er seingerð! Hún á að vera að minsta kosti 10 blaðsíður. Usss.... hugsuðum við, við verðum að minsta kosti með 25 - 30 blaðsíður. En málið er að leturstærðin á að vera 10 og bara eitt línubil! Þá vandast málin og við erum nú að reyna að teygja ritgerðina upp í heilar 10 blaðsíður!
Jamm þetta hlýtur að hafast. Ég bara nenni alls ekki að gera neitt meira í bili.

En það er annars búið að vera frekar mikið að gera í öðru líka og ég er búin að taka fullt af myndum af því. Á föstudaginn var siglingakeppni hér í Sønderborg og skólinn okkar var með eitt lið. Þau lentu í 3. sæti sem er alveg frábær árangur miðað við að þau höfðu tæplega klukkutíma til að æfa sig nokkrum kvöldum fyrir keppnina.

Á laugardagsmorgun fór Eyþór í "Rollespil" eða hlutverkaleik. Þetta er haldið einu sinni í mánuði allt árið. Ég tók auðvitað nokkrar myndir þar.

Strax á eftir var 17. júní haldinn hátíðlegur hér í Sønderborg. Það var bara rosalega fínt, grillaðar pylsur, íslenskt nammi og góður félagsskapur.

Jæja, verð endilega að fara að reyna að skrifa eitthvað! Takk fyrir allar skemmtilegu mismæli-sögurnar í fyrri færslu.

Helga

Mismæli

2008-06-09T22:00:00.002+01:00

Ég elska mismæli. Og þegar orðin koma vitlaust út úr manni eins og þegar Ninna spurði mig "Er stóllinn ekki of kjór?" Hahahahaha. Og þegar ég gat ekki kallað systkini Þráins réttu nöfnum og sagði alltaf Steggi og Bella. (Heimasíða Stellu er annars HÉR).
Mér finnst alveg merkilegt að þetta skuli yfirhöfuð vera hægt.

Í dag mismælti ég mig. Ansi skemmtilega líka. Mamma hafði farið í aðgerð á fingri og ég hringdi í hana til að heyra aðeins í hvernig hefði gengið. Rétt áður en hún svaraði fór ég að hugsa um hvort ég ætti að segja "aðgerð" eða "uppskurð" en í staðinn sagði ég: "Jæja, ertu búin í þessari uppgerð?" Hahahahaha

Hefur þú mismælt þig skemmtilega? Endilega segðu frá því í kommentunum.

Helga.

Grill og meira grill

2008-06-07T12:54:00.002+01:00

Við fórum í heimsókn til Sólrúnar og Garðars í dag (laugardag) til að grilla með þeim. Í boði var argentískt nautakjöt, danskt svínakjöt, danskir grillpinnar með beikoni, danskur laukur (grillaður auðvitað) grillaðir sveppir og grillaðar kartöflur. Alveg dásamlega gott mest allt.
Og þar áður skiptum við Garðar um bremsudiska og klossa að framan undir bílnum okkar.
Takk fyrir aðstoðina og takk fyrir matinn.

Kveðja,
Palli.

Fer Halldóra til Peking?

2008-06-01T22:41:00.003+01:00

Ég var bara að lesa það að íslenska landsliðið í handbolta fer á Ólympíuleikana í Peking í Kína í sumar og það fyrsta sem mér datt í hug var hvort Halldóra; kær frænka mín, skyldi ætla að elta liðið til Peking! Það næsta sem mér datt í hug var hversu hrikalega gaman það hefði verið að vera á leiknum á móti Svíum! Jii, hvað það hefði verið gaman - næstum því eins og Eurovision!

Ég er annars á kafi í skólanum. Við eigum að skila verkefni á hádegi á morgun og kynna það svo eftir hádegið. Við erum ekki aaaaallveg búin - alltaf þetta smotterí eftir- lesa yfir og leiðrétta og svona. Prentum svo út á morgun og skilum í tíma! Ekki spurning.

Svo seinnipartinn á morgun ætlum við í bekknum að halda strandapartý með grilli og tilheyrandi. Það verður geðveikt gaman.

Á þriðjudag fáum við svo næsta verkefni í hendur, líka svona prófverkefni nema þetta er öðruvísi en hitt að það verður alvöru próf í þessu, þ.e. við drögum spurningu í þessu efni og eigum að svara munnlega. Gaman, gaman.

Ekki nóg með þetta, heldur ætlum við að reyna að hitta á Guðrúnu og Gústa, hennar ektamann, en þau verða á ferðinni á þriðjudaginn. Ekki beint á ferðinni... eða jú, á ferðinni, bara ekki beint í nágrenninu. En því verður reddað. Annað hvort förum við og hittum þau hjá Kolding eða einhverstaðar eða þá að þau koma niðureftir til okkar í kaffi og kökur. Kemur í ljós.

En svona er nú lífið í Danmörku; heitt og rakt með tilheyrandi moskítóflugudrápi.
Helga

Marek æfir sig

2008-05-30T19:09:00.001+01:00

Marek er alltaf ad finna upp á einhverju nýju. Hér er hann búinn að hanna "að standa á höndum í jógastellingu". Mjög sniðugt.

Kveðja,
Palli.

Ég verð nú bara aðeins að blogga.

2008-05-26T23:49:00.004+01:00

Það er þetta með veðrið. það er víst alltaf hægt að tala um það. Ef öll umræðuefni eru upp urinn (segir maður svona) þá fer fólk að tala um veðrið. Og það verður gert hér að einhverju leiti.
Ég kíki óreglulega á dmi.dk en þó á hverjum degi til að tékka á veðrinu.
Núna áðan þegar ég smellti mér á vefinn þeirra þá blasti þetta við mér.
Það er sem sagt gert ráð fyrir ansi miklu sumri hérna næstu daga og talað er um að veðrið hér í Danmörku verði á þessa leið í sumar.

Hvernig er veðrið hjá þér akkúrat núna?

Kveðja,
Palli.

Jæja, ekki förum við nú á Eurovision á næsta ári

2008-05-25T09:43:00.001+01:00

Ekki spáði ég Rússum sigri. En þannig er það nú. Marek mundi eftir Dima Bilan frá því 2006 þar sem hann stökk niður af flygli og fannst hann betri þá. Ég er nú sammála. Ég sá bara ekkert merkilegt við þetta lag í undankeppninni og fannst hann syngja bara falskt. En svo hlustaði ég á lagið á youtube og þá fannst mér það miklu betra. En allavega, hér eru punktar frá kvöldinu:

Íslenska liðið stóð sig frábærlega og maður fylltist þjóðarstolti. Okkar atkvæði fór til Íslands.
Mín uppáhaldslög voru frá Íslandi, Ísrael, Tyrklandi, Albaníu, Noregi og Serbíu. Ég held að ég sé ekki að gleyma neinu.
Marek kaus líka Lettland en tók það skýrt fram að hann héldi samt með Íslandi og ef Lettland myndi vinna myndi hann bara segja Ókey og ekki verða leiður.
Rússland hefur ekki unnið áður.
Besti punktur kvöldsins: við vorum hærri en Svíþjóð - eða öllu heldur hærri en Charlotte Perelli.

Umfram allt var þetta góð keppni og fullt af góðum lögum.

Þá að öðru. Við héldum upp á afmæli Hinriks og Mareks í gær í Katherinelundi, grilluðum pylsur, snobrød, sykurpúða og borðuðum afmælisköku á eftir. Þetta var alveg yndislegur dagur með frábæru fólki og drengirnir voru hæstánægðir með daginn. Ég er að vinna í því að setja inn myndir frá afmælinu.

En já, þá er þessi Eurovision vertíð búin. Nú er ekkert eftir en að horfa trilljón sinnum aftur á keppnina og hlakka til næstu keppni sem við munum EKKI fara á.
Helga.

Það var mikið!

2008-05-22T23:10:00.002+01:00

Loksins komst Ísland áfram - kominn tími til og í ár áttum við það svo sannarlega skilið því þau Regína og Friðrik voru frábær á sviði.
Ég varð samt alltaf svartsýnni og svartsýnni eftir því sem á leið á keppni því mér fannst svo mörg lög góð.
Laugardagskvöldið verður bara snilld!

En aftur spáði ég rétt um 7 lönd, ég spáði þessum áfram:
Ísland x
Svíþjóð x
Tyrkland x
Úkraína x
Albanía x
Sviss F Portúgal komst áfram - og var líka gott
Króatía x
Búlgaría F Komst ekki, en Lettland komst
Danmörk x var ekki bjartsýn - en spáði því samt
Malta F Georgía komst áfram. Malta var betri.

Jiiiii hvað ég hlakka geðveikt til á laugardagskvöldið. Og ég held ég skipti um skoðun með að halda "partý". Hmm... sé samt aðeins til með það. Það yrði nefnilega skemmtilegt að bjóða pari frá úkraínu hingað og helst einhverjum frá Danmörku.

Það yrði samt algjör skandall ef við myndum keppast um 1. og 2. sætið á móti Charlotte og láta hana vinna okkur - aftur! Þá myndi ég grenja - og ekki fara til Svíþjóðar á næsta ári.

En kommon, þið hljótið að hafa eitthvað að segja um Eurovision! Hver elskar ekki Eurovision??

Fyrri undankeppnin

2008-05-20T22:21:00.002+01:00

Þetta var nú alveg einstaklega skrítin keppni þó ekki sé nú meira sagt. Danir sýndu ekki keppnina - þeir ætla að sýna hana annað kvöld. En ég fann eina þýska stöð og svo tyrknesku stöðina sem báðar sýndu keppnina! Yes!

En já, lögin voru skrítin og mörg hreint út sagt leiðinleg! Mín uppáhaldslög voru;
Ísrael
San Marino
Noregur
Andorra
Holland
Finland
Grikkland
og svo spáði ég líka áfram:
Azerbaijan
Póllandi og
Rúmeníu

Ég spáði s.s. rétt um 7 lönd. Ég hefði viljað skipta Bosníu-Herzegovinu út í staðinn fyrir San Marino.

En þetta var alveg hreint ágætt kvöld, Valey og Kristín komu og horfðu á með mér (og Eyþóri að hluta). Hinrik og Marek fengu að horfa á fyrstu lögin, svo voru þeir reknir upp í rúm. Marek stóðst samt ekki freistinguna og var alltaf að koma fram og kíkja og á endanum fékk hann leyfi til að koma inn í stofu aftur og horfa á allt. Hann vildi samt vera alveg öruggur um að það myndi ekki skerða áður veitt leyfi til að horfa á alla keppnina bæði á fimmtudagskvöld og laugardagskvöld. Já, þetta er bara einn galli við að búa í Danmörku, því keppnin byrjar kl. 9.

Við Gerard í Oman sendum hvort öðru sms til að skiptast á skoðunum og svo hringdi hann í lok keppninnar. Það er alveg nauðsynlegt að geta skipts á skoðunum við einhvern sem talar sama tungumál!

Jii hvað ég hlakka til á fimmtudag og á laugardag!!! Þetta er bara næstum því eins og jól!

Eurovision

2008-05-19T13:11:00.002+01:00

Ég minni á Eurovision, 1. undankeppni á þriðjudagskvöld.
Aldrei þessu vant hef ég ekki hlustað á öll lögin.
Aldrei þessu vant veit ég eiginlega ekkert hvaða lönd eru að keppa á þriðjudagskvöld.
Ég veit bara að Ísland og Danmörk eru á fimmtudagskvöld.
Aldrei þessu vant hef ég ekki myndað mér skoðun um lögin og hef því ekki hugmynd um með hvaða landi ég held þetta árið!
Aldrei þessu vant hef ég ekki uppfært Eurovision síðuna mína!
Ég er meira að segja búin að tapa símanúmerum hjá Euroaðdáendum í Englandi, Noregi og Oman, fólki sem ég sendi alltaf sms á meðan ég horfi á keppnina. Þannig að ég get ekki einusinni fengið að vita hvað þeim finnst!

Hvernig fer ég að? Á ég að taka sjensinn og horfa á keppnina eins og óupplýstur almúgi?

Net net net.

2008-05-15T10:52:00.002+01:00

Jú. Svo fór að það gat borgast ;-)

Já það var geðveikt gaman á þessu Go Kart móti á sunnudaginn var.
Ég vann EKKI. Kemur á óvart eða hvað? Nei, og ég skal segja ykkur hver vegna.
Sko. Ég er 202 sentimetrar að lengd. Það þýðir að ég ætti að vera um 100 kíló að þyngd. Í dag er ég reyndar 109 kíló sem þýðir að Go Kart bílarnir sem ég keyrði voru ekkert of snöggir af stað. Sérstaklega ekki ef miðað er við hina bílana sem ég var að keppa við en í þeim voru bara meðal litlir menn sem eru ekki nema um 50 til 80 kíló. Það segir sig sjálft að svoleiðis lagað er ekki hægt að keppa við ef bíllinn sem ber 109 kílóin er jafn kraftlítill og bíllinn sem ber 50 til 80 kílóin.
En allt er þetta bara leikur og allir höfðu mjög gaman af þessari keppni.
Ég veit ekkert í hvaða sæti ég lenti... ég held ég hafi verið á bilinu 12. til 18. sæti. Atvinnumannslega séð er það örugglega ekki gott.

Helga er á fullu í lokaverkefninu fyrir þessa önn.
Þar á að búa til forrit sem gefur flugvélum til kynna um líklega fljúgandi hálku í háloftunum. En þetta forrit er mjög erfitt að búa til hér í Danmörku þar sem fljúgandi hálka þekkist varla... og sérstaklega ekki í háloftunum.

Hér er myndband (ekki band reyndar, þetta er jú digital) ef þið viljið sjá hvernig veðrið og fjörið var á Go Kart keppninni.

Góða skemmtun.

Kveðja,
Palli.

Netlaus - enn og aftur

2008-05-13T13:17:00.002+01:00

Við erum netlaus enn og aftur. Þangað til á fimmtudag að minsta kosti.
Það þýðir að ég fæ ekki vikuskammtinn minn af dóplódi.
Það þýðir líka að við erum ekki í almennu símasambandi við umheiminn.
Jah, eða þannig, við erum jú enn með gsm;
Helga: 0045 4128 3693
Palli: 0045 4128 9983

Fórum í Go-kart um helgina, hér eru myndir.

Meira seinna.
Helga sem bloggar í skólanum.

Örblogg

2008-05-07T19:11:00.001+01:00

Loksins tími til að blogga. Hugsa að ég geri það bara í stikkorðum og myndum!

Verkefnahrinu í skólanum lokið rétt í bili.
Pásan verður þó ekki lengi því við fáum prófverkefnið okkar verður kynnt á föstudaginn.
Mamma og Gunni komu til Sønderborgar á laugardaginn. Þau fara aftur á morgun
Við borðuðum saltkjöt og baunir á sunnudaginn. Það er óhætt að setja það á topp 10 listann yfir besta matinn og jesús minn hvað þetta var gott!
Við fengum frábæra og mjög svo óvænta gesti í heimsókn þegar Bjössi Hannesar og Stína komu við í kaffi.
Að sjálfsögðu er ekki hægt að bjóða upp á kaffi nema að baka með því pönnukökur.
Bjössi og Stína urðu hissa að sjá mömmu hér og hún ekki síður að sjá þau.
Er einhver að horfa á Survivor núna! Þetta er sú allra besta sería sem ég hef séð. Vá, hvað þetta er spennandi!
Veðrið er búið að vera DÁSAMLEGT svo ekki sé meira sagt. Yfir 20 stiga hiti – alveg passlegt!
Það er verið að tala um að fara kannski til Írlands í haust í skólaferðalag – skoða tölvufyrirtæki og svoleiðis. Það yrði bara frábært!
Eru svo ekki allir komnir í Eurovision gírinn? Ha? Hvað með íslenska lagið? Kemst það áfram? Þetta er að skella á!!! Bara tvær vikur í þetta!!!

Gleðilega Eurovisionvertíð!
Helga

Nýjar myndir.

2008-05-02T20:18:00.001+01:00

Ég var að setja inn fullt af myndum.

Tæknilegir örðuleikar

2008-04-29T14:15:00.002+01:00

Það er alveg merkilegt hvað maður er háður tækjum, eða ég er það allavega. Ég komst heldur betur að því um daginn þegar ég ætlaði að uppfæra stýrikerfið í símanum mínum og "óvart" eyddi út öllum upplýsingunum sem voru í honum. Með "óvart" meina ég sko að ég hunsaði viðvörun um að taka öryggisafrit af öllu í símanum. Nei, ég ýtti bara á 'ok' og allt þurrkaðist út. Allir afmælisdagar sem síminn ætlaði að minna mig á, allir minnispunktarnir sem ég mátti alls ekki gleyma og það mikilvægasta af öllu; öll símanúmerin sem voru í símanum.

Ég ákvað samt ekki að panikka, hugsaði með mér að fólk hlyti á endanum að hringja í mig eða senda sms og þannig gæti ég smátt og smátt fengið símanúmerin aftur - þau sem ég myndi á annað borð ekki finna inni á krak.dk. Síðan lagði ég af stað til að sækja Palla í vinnuna. Hann hafði beðið mig um að vera mætt í síðasta lagi korter yfir 10. Ég náttúrlega stundvís með eindæmum (amk. þetta kvöld) var mætt 10:10. Beið bara í bílnum og skoðaði símann minn. Beið og beið og ekkert bólaði á Palla. 25 mínútur yfir 10 var ég farin að ókyrrast. Kannski hafði Viðar keyrt hann heim og hann hefði gleymt að láta mig vita. Ekki gat ég hringt í hann því ég vissi ekki númerið hans. Ekki heldur númer Viðars. Ég gat ekki einusinni hringt í neinn, Hrund, Þórunni eða Evu og beðið þær um einhver númer því ég vissi ekki þeirra númer!
Sem betur fór komu Palli og Viðar út fljótlega og ég gat hætt að hafa áhyggjur af þessu.

Nú eru mörg númer komin í símann en engir afmælisdagar. Það verður næsta verkefni.

Annars er búið að vera æðislegt veður hérna. Við fórum í afmælisgrillveislu á sunnudaginn í 23 stiga hita en skýjuðu veðri og haldið þið ekki að ég hafi ekki bara brunnið aftan á hálsinum! Já, sumarbleikur er tískuliturinn í ár (sem og síðastliðinn 35 ár) og er aðeins farinn að láta sjá sig.

Helga bleika.

Hinrik í makeover

2008-04-25T15:23:00.000+01:00

Svona til að leiðrétta allan misskilning þá FÉKK Hinrik sitt makeover daginn eftir að ég fékk mitt. Hann mátti bara ekki fá sitt makeover þegar hann vildi því hann var háttaður og kominn upp í rúm og eins og allir vita þá sefur maður ekki með Lancome-lúkk... eða ætti ekki að gera það.

Hér er hann svo að fá sitt makeover. Marek auðvitað að vanda sig vel.

Og Hinrik varð hæstánægður með árangurinn - hér var hann samt ekki búinn að sjá sig í spegli.

Marek bað hann um að loka öðru auganu svo maður sæi betur á augnlokið.

Á eftir málaði Marek sig og svo fóru þeir út saman að leika sér í stríðsleik!

Extreme Makeover

2008-04-23T19:30:00.001+01:00

Eftir mini-fótsnyrtingu, handáburðarásetningu og handanudd fékk ég nokkurnskonar makeover með tilheyrandi litum. Það var hann Marek sem fór á kostum við dekrið.

Næst á eftir mér í röðinni var Hinrik, en honum var meinuð andlitsmálning! Kannski á morgun sagði ég.

Bon Jovi tónleikar

2008-04-20T17:20:00.002+01:00

Ætlar einhver á Bon Jovi tónleikana sem eru rétt hjá Randers þann 19.06. 2008?
Kostar 550 kr á B svæði - uppselt á A svæðið.
Mig dauðlangar... nenni samt ekki ein.
Einhver??

Hver vill líka fara til Stettin í lok júlí?? Einhver?? Ha?

Helga í ferðahug!

Vinna mín... (Palli)

2008-04-18T08:26:00.004+01:00

Gott kvöld (þegar þetta er skrifað).

Enn er Marek að koma með spakmæli. Núna áðan sagði hann mér að hann gæti ekki sofnað í sínu rúmi vegna þess að hann væri svo hræddur við að sofna í myrkri. Besta leiðin til að sofna væri að sofna í "mömmu rúmi". En þá sagði ég honum að það væri líka myrkur í "mömmu rúmi". Nú já, en þá sofna ég bara með opin augun þar en það get ég ekki í mínu rúmi :)

Það stendur ALDREI á svörum hjá honum.

En það er ákaflega gaman hjá mér í vinnunni minni.
Viltu bara sjá?

Skemmtilegt það?

Og enn talar Marek

2008-04-15T18:19:00.002+01:00

Eftir laaaangar umræður (móðurinni til mikillar armæðu) um stríð, heimsstyrjöldina fyrri sem og þá síðari, stormdaginn í Danmörku (stríð), byssur, særða hermenn sem lifðu af hinar hrikalegustu sprenginar (í stríði) sagði móðirin; Vitiði það að ég hef meiri áhuga á Barbie heldur en stríði.
-Ekki við, heyrðist sagt tvíróma (Eyþór og Hinrik).

Þá kom þessi speki:
Mamma, vissir þú að stelpur og konur eru stóra kúlu í heilanum? Og strákar og menn eru með litla kúlu. Ég er með litla kúlu.
-Ha? svaraði mamman steinhissa. -Afhverju?
-Það er vegna þess að stelpur og konur eru betri en strákar og menn.

Mamman reyndi að fela sigri hrósandi tóninn í röddinni og spurði:
-Nú? Hver sagði þér það?
-Kennarinn minn sagði mér það. Hann Lars.

Já, það þarf greinilega ekkert að endurskoða námsefnið hér í Danmörku.

Helga með stóra kúlu í heilanum.

Þróunarkenning Mareks

2008-04-11T16:02:00.002+01:00

Marek finnst alveg hrikalega gaman að lesa allskonar fræðibækur (t.d. alfræðibækur, dýrabækur og orðabækur) en hann getur alls ekki setið einn að þessum fróðleik og látið okkur hin missa af honum.
Í dag kom hann með þessa speki:
Það eru 5 tímar: Fyrst var risaeðlutíminn, svo kom riddaratíminn, næst kom hermannatíminn, þessi með hermönnunum sem voru svo latir að þeir nenntu ekki að búa til bíla og löbbuðu um allt. Svo kom hinn hermannatíminn, þessi með venjulegu hermönunnum sem eru í svörtu og hvítu og svoleiðis og við erum í honum núna. Og síðast er geislasverðatíminn. Hann kemur í framtíðinni þegar ég er orðinn fullorðinn og bílarnir farnir að fljúga.

Og þá hafið þið það! Ef þið hafið haldið eitthvað annað um þessa tíma er það sjálfsagt vitleysa.

Pönnsur eru alltaf góðar!

2008-04-08T15:35:00.001+01:00

Já þær standa alltaf fyrir sínu, pönnukökurnar. Þessar vorum við að snæða rétt áðan. Namm...

Um daginn... hvenær var það aftur... já á sunnudaginn, komu Eva, Juha og Matilda í mat til okkar. Við erum líka búin að vera með alveg hreint ágætis "gest" sem gengst við nafninu Jón Bergmann þannig að ástæða var til að elda öðruvísi mat. Því var ákveðið að borða bjúgu með grænum baunum, uppstúf og kartöflumús eftir mínu nefi (með beikoni, blaðlauk og papriku).

Nema hvað að ég er ekki alveg vön að sjóða bjúgu. Og þá sérstaklega ekki heimagerð sem koma innpökkuð í dagblöð og engar eldunarleiðbeininar utan á. Hvað gerir maður þá? Jú, þá grípur maður matreiðslubók Helgu Sigurðardóttur því hún er svo sannarlega biblía íslenskra húsmæðra. Og er hún mikið notuð á þessu heimili!

En þá vandaðist málið eilítið; það var ekkert talað um bjúgu í bókinni, hvorki í kaflaskiptingayfirlitinu né í efnisyfirlitinu! Ha? Rammíslensk bjúgu!! Og ekki minnst einu orði á þau. Við Eva leituðum báðar. Fyrst samtímis, svo í sitthvoru lagi. Ekkert dugði. Ekki orð um bjúgu. Ekki einu sinni undir kinda- eða hrossabjúgu! Ég átti ekki til orð!

En þá datt mér í hug hvort þau gætu verið listuð undir öðru nafni. Hmm... jú það gat verið en ekki höfðum við hugmynd um hvað það gæti verið. Evu datt svo loks í hug eitthvað Sp... eitthvað og ég gáði í sp í efnisyfirlitinu. Sperðlar! Um leið og ég sá orðið mundi ég að hafa heyrt það áður. SPERÐLAR! Hvurslags eiginlega orð er það? Hvað með BJÚGU? Hvað er það þá í eintölu? Sperðill? Hér er sperðill, um sperðil, frá sperðli til sperðils??? Í alvöru?? Fuss... ég bara get ekki sagt annað.

BJÚGUN voru annars alveg einstaklega góð og áttu sérstaklega vel við heimagerðu kartöflumúsina.

Helga Húsmóðir.

Vorið er komið og grundirnar... eru enn grænar

2008-04-02T15:54:00.005+01:00

Vorið er svo sannarlega komið, hitastigið komið um og yfir 10 gráður og það er yndislegt að heyra fuglana syngja fyrir utan gluggan. Það sem er hins vegar minna yndislegt eru helvítis pöddurnar sem fara að lifna við! Eins og moskítóflugan sem ég drap inni í herbergi hjá okkur um daginn. Ég meina, það var annaðhvort hún eða ég, ekki satt! Bara að verða fyrri til, það þýðir ekkert annað.

Það er líka annað sem bendir til þess að það sé að koma vor en það er grænmetis og ávaxtaborðin í verslununum því að sumt af þessu fæst bara alls ekki nema það sé "sá tími". T.d. rababari og ýmis ber. Og eitthvað fleira sem ég man ekki eftir.

Það gengur bara vel í skólanum hjá mér. Þessi önn er svo gerólík hinum þremur að það er ekki fyndið. Mér finnst þetta bara vera næstum því eins og að vera í fríi því miðað við hinar annirnar þá er þessi svo róleg með fáum verkefnum, svo að maður bara nær að gera næstum því alla heimavinnuna! Bara snilld!

Palli er farinn að vinna í verksmiðju sem framleiðir eitthvað merkilegt. Ég get varla sagt frá því og ætla því að kasta þeim bolta yfir til hans. Kast!

Grip! Takk fyrir.
(Palli hér) Já, ég er að vinna í verksmiðju sem framleiðir allskonar hluti og svona dót í sláturhús og fiskveiðiskip. Svona vinnslulínur. Mitt hlutverk er að starta framleiðslunni á hverju verkefni fyrir sig og er ég á fundum með forstjóra, framkvæmdastjóra og stjórnarmönnum á hverjum degi. Þar eru teknar ákvarðanir um framtíð og stefnu fyritækisins ásamt því að finna út leiðir til að klekkja á samkeppnisaðilanum en það er hið öfluga íslenska fyrirtæki Marel. Einnig hef ég töluvert með mannaráðningar að gera og hef þar af leiðandi ráðið marga íslendinga í vinnu en þeir eru jú mun þægilegri í umgengni en danirnir. Það ræðst einkum af starfsgleði og vinnuvilja íslendinga gagnvart stórum og rótgrónum fyrirtækjum sem þetta fyrirtæki er.
Að lokum vil ég koma á framfæri eftirfarandi yfirlýsingu sem tekur þó ekki gildi fyrr en við flytjum heim til íslands aftur nú í vetur, en yfirlýsingin hljóðar svona:
ÉG ÆTLA AÐ FÁ MÉR GÖTUSKRÁÐ FJÓRHJÓL OG ÞAÐ STOPPAR MIG ENGINN Í ÞVÍ.... ENGINN SEGI ÉG. ALLS ENGINN. Takk fyrir. Og yfir til þin aftur Helga mín.

Takk Palli minn.
Eyþór er hættur við að vilja fara á Kiss tónleika. Móðirin er himinlifandi, því satt að segja nennti ég alls ekki. Ekkert að því að fara á tónleika með Kiss ef þeir væru bara hérna í nágrenninu en ekki í Kaupmannahöfn þannig að maður ætti eftir að keyra í rúma 3 tíma heim aftur eftir tónleika. Nei, ég brosti út að eyrum og það var ákveðið að fara á einhverja aðra tónleika hér í nágrenninu t.d. hér í næstu götu en þar eru oft tónleikar. Enda hægt að fara oft hér í bæ fyrir sama verð og öll ferðin til Köben hefði kostað okkur, með miðum meðtöldum.

Jamm, þetta er bara orðið ágætt í bili.
Helga

Mömmulagið

2008-03-30T21:44:00.003+01:00

Eva Björk benti mér á þetta lag í dag. Það er frábært!!

Hér fyrir neðan er textinn, maður verður eiginlega að skoða hann um leið og maður hlustar á lagið.
"The Mom Song"

Get up now
Get up now
Get up out of bed
Wash your face
Brush your teeth
Comb your sleepyhead
Here's your clothes and your shoes
Hear the words I said
Get up now! Get up and make your bed
Are you hot? Are you cold?
Are you wearing that?
Where's your books and your lunch and your homework at?
Grab your coat and gloves and your scarf and hat
Don't forget! You gotta feed the cat
Eat your breakfast, the experts tell us it's the most important meal of all
Take your vitamins so you will grow up one day to be big and tall
Please remember the orthodontist will be seeing you at 3 today
Don't forget your piano lesson is this afternoon so you must play
Don't shovel
Chew slowly
But hurry
The bus is here
Be careful
Come back here
Did you wash behind your ears?
Play outside, don't play rough, will you just play fair?
Be polite, make a friend, don't forget to share
Work it out, wait your turn, never take a dare
Get along! Don't make me come down there
Clean your room, fold your clothes, put your stuff away
Make your bed, do it now, do we have all day?
Were you born in a barn? Would you like some hay?
Can you even hear a word I say?
Answer the phone! Get off the phone!
Don't sit so close, turn it down, no texting at the table
No more computer time tonight!
Your iPod's my iPod if you don't listen up
Where are you going and with whom and what time do you think you're coming home?
Saying thank you, please, excuse me makes you welcome everywhere you roam
You'll appreciate my wisdom someday when you're older and you're grown
Can't wait till you have a couple little children of your own
You'll thank me for the counsel I gave you so willingly
But right now I thank you not to roll your eyes at me
Close your mouth when you chew, would appreciate
Take a bite maybe two of the stuff you hate
Use your fork, do not burp or I'll set you straight
Eat the food I put upon your plate
Get an A, get the door, don't get smart with me
Get a grip, get in here, I'll count to three
Get a job, get a life, get a PHD
Get a dose of,
"I don't care who started it!
You're grounded until you're 36"
Get your story straight and tell the truth for once, for heaven's sake
And if all your friends jumped off a cliff would you jump, too?
If I've said it once, I've said at least a thousand times before
That you're too old to act this way
It must be your father's DNA
Look at me when I am talking
Stand up straighter when you walk
A place for everything and everything must be in place
Stop crying or I'll give you something real to cry about
Oh!
Brush your teeth, wash your face, put your PJs on
Get in bed, get a hug, say a prayer with mom
Don't forget, I love you
And tomorrow we will do this all again because a mom's work never ends
You don't need the reason why
Because, because, because, because
I said so, I said so, I said so, I said so
I'm the mom, the mom, the mom, the mom, the mom!!
Ta da!!!

To do listinn

2008-03-29T16:04:00.002+01:00

Eins og alþjóð hefur kannski tekið eftir þá er stefnt á flutning til Íslands í lok árs. Er þá margt sem þarf að huga að... aðalega að missa ekki af tækifærum sem gefast ekki þegar maður er fluttur á þennan rándýra risastóra klaka þar sem það kostar formúgu bara að komast af honum aftur. Hehehe.

Það sem er á "To do" listanum er eftirfarandi:
1. Fara á tónleika með Eivøru Pálsdóttur í maí.
2. Fara á Kiss tónleika í Kaupmannahöfn í júní.
3. Fara til Noregs að sjá fólk og sýna sig.
4. Fara til Póllands, amk. til Sczcezin og helst til Gdansk líka að hitta Asiu.
5. Væri geðveikt að fara á tónleika með Bon Jovi og REM en það verður víst að fara í salt.
6. Keyra um bæði í Danmörku og í Þýskalandi og túristast aðeins.
7. Fara í heimsóknir til fólks sem við þekkjum.
8. Fara í dýragarða, sædýrasöfn og skemtigarða - því það er víst eitthvað lítið um svoleiðis á norðanverðu Íslandi.
9. EKKI MISSA AF EINUM EINASTA LOPPUMARKAÐI.
10. Útskrifast.

Þessi listi á eflaust eftir að lengjast eftir því sem líður á árið. Það er líka eins gott að sumarið verði gott í ár. Það var frekar ömurlegt í fyrra. Frekar ömurlegt!!!

Við þurfum endilega að fara að setja inn nokkrar myndir svo fylgist með (Þetta hljómar betur á ensku: Stay tuned! )

Helga

Hálf tómt í kotinu

2008-03-25T22:44:00.003+01:00

... ef kot skyldi kalla þessa stóru blokk! En já gestirnir góðu (Lóa, Magnús Björn, Ingunn og Heimir) fóru í morgun. Það var yndislegt að hafa þau og þau hefðu sko alveg mátt vera miklu lengur! Páskarnir voru bara ljúfir með tilheyrandi áti. Hér var mikið borðað af mat og öðru sem við fáum ekki dags daglega. Má þar fyrst nefna soðið slátur en drengirnir gæddu sér á hafragraut og slátri á hverjum morgni - allt þar til slátrið kláraðist. Svo fengum við öll páskaegg - TAKK FYRIR ÞAU. En það BESTA var argentíska nautakjötið sem Ingunn og Heimir elduðu hér á páskadag. NAMM hvað það var gott!

Við gátum því miður ekki farið í Legoland VEGNA VEÐURS en hér geisaði hið versta vetrarveður sem við höfum séð síðan við fluttum út! Það snjóaði svo mikið að strákarnir gátu farið út og búið til snjókarl - reyndar þurftu þeir að sækja eitthvað af snjónum í sandkassann þar sem hann festist best. Ég, Ingunn og Heimir keyrðum til Kaupmannahafnar á mánudaginn og það var nú bara næstum því ófært á kafla á hraðbrautinni.

Ég skelli hér að lokum inn mynd af okkur Palla. Góð mynd, ekki satt?

Afmælisstrákur

2008-03-21T21:15:00.001+01:00

Þessi ungi maður, hann Marek Ingvi, varð 8 ára þann 20. mars síðastliðinn. Í dag var haldin heljar veisla honum til heiðurs. Að sjálfsögðu var pósað af tilefni dagsins.

Margt í fréttum

2008-03-16T18:41:00.006+01:00

Þetta eru aldeilis búnir að vera viðburðarríkir dagar sem innihéldu sitt lítið af stressi, bakstri, sjúkrahúsferð og tónleikum. Hljómar spennandi? Lestu þá áfram!

Það byrjaði á að Eyþór átti pantað flug á laugardagsmorgun. Við erum orðin svo vön þessum ferðum að það er ekkert verið að stressa sig á að pakka niður nema bara daginn fyrir ferð. Allt var svo komið í tösku, ég hafði dundað mér lengi við að pakka vel inn kertum sem Þórunn gleymdi en hún var komin til Íslands. Rétt fyrir miðnætti var ég að leggja lokahönd á allt og átti bara að skella vegabréfinu hans í töskuna mína. Og viti menn; ég greip í tómt! Ekkert vegabréf í eldhússkápnum þar sem þau eru geymd! Það fyrsta sem mér datt í hug var að hann hefði kannski gleymt því í Kaupmannahöfn hjá Bryndísi frænku Sollu um daginn því hún sótti hann á völlinn síðast. Eða í bílnum hjá Garðari granna því hann sótti hann til Bryndísar í Köben! Fyrst hringdum við í Garðar og vöktum hann auðvitða. Ekkert vegabréf í bílnum. Þá hringdi ég í Bryndísi. Ekkert vegabréf hjá henni. Þá var bara ekkert eftir en að leita. Og leita og leita og leita. Eldhúsið var gersamlega tekið í nefið og við leituðum meira að segja inni í herbergi Mareks og Hinriks! Ekkert fannst. Og það var ekki einu sinni eins og það væri lítið og illa sýnilegt því v.b.-ið var sko í fagurgrænum plastvasa! En það var alveg sama hvar við leituðum, ekki fundum við helv... vegabréfið (eða frímerkið eins og Marek kallar þetta stundum) þó við leituðum til kl. 2:30 um nóttina.

Þá var ekkert annað hægt að gera en að taka sjensinn á að Eyþóri yrði hleypt í gegn með 2 sjúkrakortum sem einu skilríkin, annað danskt og hitt íslenskt. Og því vöknuðum við kl. 5 og tókum lestina til Kaupmannahafnar.
Eins gott að við tókum sjensinn því honum var hleypt í gegn! Hjúkkit! Ég fór því ein með lest til baka. Fékk símtal frá Palla sem hafði fundið vegabréfið. Það var í EINA POKANUM SEM VIÐ KÍKTUM EKKI Í! Ég hafði séð pokann og vissi að það væri föndurmálning í honum svo ég var ekkert að tékka á vegabréfinu þar! Ekki veit ég hvernig það lenti þar!

Þegar ég kom til baka sóttu Leifur og Hafdís mig á lestarstöðina. Ástæðan fyrir því var að við ætluðum með þeim á tónleika. Ég fékk 10 mín til að hendast heim, pissa, sjæna mig (sem þarf nú varla því ég er svo falleg) og skipta um föt. Palli var búin að hafa fötin mín tilbúin og var hann sjálfur reddí. Við náðum á tónleikana í tíma en þetta voru írskir tónleikar sem haldnir voru af tilefni St. Patrick's day sem er á morgun. Það var mjög gaman þarna, lögin flott en heldur róleg á köflum. En við náðum að hlægja úr okkur augun það var svo gaman við okkar borð!

Í morgun var svo vaknað snemma. Við Sólrún (kona Garðars) vorum búnar að mæla okkur mót heima hjá henni kl. 11 til að steikja kleinur. Ég var mætt rétt fyrir áætlaðan tíma og fór inn til að athuga hvað vantaði að kaupa fyrir baksturinn. Svo var skutlast í búð, aðeins komið við heima sem varð til þess að strákarnir vildu koma með. Það var allt í lagi. Allt þetta tók hálftíma! Við vorum svo rétt að byrja baksturinn þegar ég heyri grátur sem ég þekki. Ég hleyp að útidyrahurðinni en þar er Marek að koma grátandi inn og hélt um hnakkann á sér. Ég tók húfuna af honum og sá að að blæddi. Eftir skol var ákveðið að fara með hann á slysastofuna á sjúkrahúsinu. Palli kom með okkur. Þegar maður kemur þangað inn á maður að hringja bjöllu og fara svo í biðstofuna og bíða eftir að verða sóttur. Við gengdum því. Enginn kom. Eftir ca korter fór Palli aftur og hringdi. Ekkert gerðist. Eftir ca korter í viðbót fór hann og hringdi aftur, nú lengur. Þá kom einhver pirruð kona sem sagðist ekki geta sinnt okkur því hún væri bara ein! Við ákváðum að fara bara! Marek var orðinn eldhress og sárið virtist ekki vera það mikið að það þyrfti eitthvað að sauma.
Þetta sjúkrasystem er sko ekki að gera sig hér í bæ!

Kleinubaksturinn var kláraður með láði! Það komu út allskonar kleinur; stórar og smáar, dökkar og ljósar, ljótar og fallegar. En allar voru þær góðar! Við fengum svo góða heimsókn um kaffileytið þegar Hafdís og stelpurnar komu og svo kíkti Leifur líka í smá stund.

Annars var verið að ferma Andra Frey í dag. Við komust því miður ekki en Eyþór fór sem fulltrúi allrar fjölskyldunnar hér á Ringgade. Ég bíð spennt eftir að heyra frá öllum deginum.
Innilegar hamingjuóskir elsku Andri okkar!

Með þeim orðum lýkur helgaryfirliti héðan frá Sønderborg.
Helga

Viðbót (bætt inn þann 17 mars af Palla)
Ég gæti trúað að margir hafi séð þetta sem ég ætla að benda ykkur á en þetta finnst mér algjör snilld. Talandi páfagaukur í Kastljónsinu í seinustu viku.

Hitt og þetta

2008-03-12T16:49:00.003+01:00

Það er bara að verða kominn föstudagur aftur! Uss... hvað tíminn líður hrikalega hratt! Bara tveir dagar eftir af skóla fyrir páskafrí.

Við fáum aldeilis góða gesti um páskana þar sem Lóa, Ingunn, Heimir og Magnús Björn (sonur Guðnýjar mágkonu) koma. Það verður eitthvað skemmtilegt brallað, amk verður farið í Legoland og til Þýskalands.

Ég fór annars til Regínu Grettis á sunnudaginn þar sem hún fékk þessa líka brilljant hugmynd að steikja kleinur. Við steiktum úr tveimur uppskriftum (4 kg hveiti samtals) og viti menn... okkar kleinur eru búnar! Ég er ekki að grínast! Við höfum gersamlega staðið í þessu, enda langt síðan við höfum fengið heimasteiktar kleinur. Ekki dugar að bíða með hendur í skauti fram á sumar þar til Regína og hennar fók er búið með sínar kleinur heldur stakk ég bara upp á því við Sólrúnu að við myndum steikja saman á sunnudaginn. Henni leist heldur betur á það og í þetta skiptið verður sko steikt meira!

Ég þyrfti annars bara að fara að finna mér góðan pott svo ég geti bara steikt þegar mér sýnist. Annars er mjög skemmtilegt að gera þetta með einhverjum öðrum.

Annars er allt mjög mikið við það sama...

kv. Helga.

Ferðalög og flutningar

2008-03-07T20:20:00.005+01:00

Loksins nenni ég að blogga! Meira hvað maður getur verið latur! Usss!
En hér er að koma vor, vorkaukar komir upp, blöð að fara að koma á rósarrunnana hér fyrir utan blokkina (ATH: ekki í gróðurhúsi!) og blóm farin að koma á nokkur tré. Þ.e. á þau tré sem á annað borð blómstra. Það er ekki þannig að hér sé svo sérstaklega gott veður að grenitré eru farin að bera blóm! Nei, nei, ekki aldeilis. Samt... gæti kannski gerst!
Það er allavega ekki hægt annað en að vera MINNA latur á þessum árstíma, sérstaklega þegar það er orðið bjart á morgnana þegar við förum út.

Ég fór annars á kaffihús tvisvar sinnum í þessari viku, í bæði skiptin á sama kaffihúsið! Loksins búin að finna mér gott kaffihús! LOKSINS segi ég bara aftur - og pikka inn! Nú er bara að reyna að draga fleira fólk með mér á kaffihús. Hey! En að stofna kaffihúsaklúbb? Hittast aðrahverja viku á kaffihúsi! Er einhver geim?

Ég vona að ég nái að klára skólann í nóvember - útskrifast þá 28. nóvember minnir mig. Og þá ætlum við að flytja aftur til Íslands. Mér finnst það bara fínt, því ég finn að mig langar ekkert til að búa hér í mörg ár. Hægagangur í "kerfinu" hérna er ekki að mínu skapi.... einhvernveginn finnst mér að ég hafi bloggað um það áður.
En á móti kemur að mér finnst ég þurfa að nýta hverja mínútu hér úti til hins ýtrasta! Mér finnst heimurinn liggja að fótum okkar, en við hvorki hafa tíma né fjármagn til að fara til ALLRA landa áður en við flytjum inn í skápinn aftur. Ja, eða þannig! Til að núa svo salti í sárin þá vorum við í skólanum að hanna "vefsíðu" úr pappír fyrir ímyndaða ferðaskrifstofu! Svo við þurftum að liggja á netinu til að skoða hvernig ferðaskrifstofusíður eru byggðar upp og koma upp með nýja hugmynd. Ekki slökkti það á ferðalönguninni!

En við stefnum allavega á að fara til Noregs í sumar og ég ætla rétt að vona að ég komist amk einu sinni enn til Póllands. Jafnvel tvisvar. Æi, svo er Tékkland svo nálægt líka... og ...

Það er Helga sem kveður í ferðahug.

Alltaf má nú tala um veðrið.

2008-03-03T16:34:00.001+01:00

Það er enn engu líkara en að Danmörk sé í annari heimsálfu. Þessi mynd er tekin eins og sést þann 3. mars 2008. Magnað.

En Óla og Hrafnhildur eru farnar heim aftur. Þær voru hér í heimsókn um helgina og má þar með segja að Hrafnhildur sé búin ad jafna Hinna í heimsóknartíðni þeirra hingað til okkar í Sönderborg, en þau hafa nú bæði komið hingað tvisvar. Amma Ása hefur komið oftast til okkar enn sem komið er.

Hvenær ætlar þú að koma? Það styttist í heimflutning sko ;-)

Uppgjör helgarinnar

2008-02-24T21:35:00.005+01:00

Þ.e.a.s. uppgjör síðustu helgar!
Hún var í alla staði FRÁBÆR. Það var mest FRÁBÆRAST að fá alla þessa vini okkar í heimsókn. Takk Gústi, Gústi, Skúli og Kalli fyrir að hafa kosið að halda, og skipulagt aðalfund Dónó hér í nágrenni Sønderborgar. Takk líka fyrir að leyfa konum ykkar að fljóta með. Takk Guðrún, Solla, Ester og Tanja fyrir að koma með körlum ykkar og hitta okkur. Þakkir fær líka Reynir Guðmunds og synir fyrir að koma í heimsókn til okkar.

Sumarbústaðurinn (eða SumarGústi eins og Hinrik hélt að þetta héti) var frábær og Hinrik og Marek voru svo hrifnir af honum að þeir ákváðu að þeir vildu frekar flytja þangað heldur en til Íslands. Enda ekki á hverjum degi sem þeir fá að vera í húsi með einka-innisundlaug!

Fundarsköp aðalfundar Dónó verða víst aldrei gefin upp. Hannyrðir Prjónó verða hvorki gefin upp né nýtt á nokkurn hátt. Magn rauðvíns og bjórs sem drukkið var verður ekki sagt frá. En maturinn var góður!

Eins venja segir til um var auðvitað farið í hinar ýmsu keppnir á milli kynja. Misjafnt var hversu margir liðsmenn kepptu hverju sinni. Má þar í stuttu máli segja að mjótt hafi verið á munum og teljast stigin á þennan hátt:
(fyrst kemur nafn keppninnar, svo nafn sigurliðs)
1. Hárugasta andlitið : Dónó
2. Hárugasti handarkrikinn : Dónó
3. Loðnasti rassinn : Dónó
4. Trivial Pursuit : Prjónó
5. Bringusund langs yfir laugina : Prjónó
6. Bringusund langs til baka : Prjónó
7. Baksund langs yfir laugina : Dónó
8. Hæðsta og tignarlegasta makakastið í sundi : Prjónó
9. Bringusund þvers yfir laugina : Dónó
10. Kubbaspil : Dónó
11. Trivial Pursuit : Prjónó

Niðurstaðan er því að Dónó fór með nauman sigur af hólmi þetta árið, en þeir verða teknir í ~~rassg~~ bakaríið að ári.

Helga DanaPrjóna
og Páll DanaDóni

Bílablogg... EN EKKERT LEIÐINLEGT (vonandi)

2008-02-22T08:36:00.008+01:00

Sko.

Nissaninn sem ég keypti af Ólöfu Birnu frænku minni og ég kom með hingað út í okt. 2006 er orðinn ansi slappur. Svo ég fór að athuga með að kaupa annan bíl, sem ég svo gerði, altså keypti. Mazda 626 1992 árgerð. Fínt.
Keyrði hann frá Vejle þar sem hann stóð hingað til Sønderborgar. Svo daginn eftir þá bilar alternatorinn í honum (fyrir þá sem ekki vita þá er það rafmagnsdælan í bílnum). Ég hringdi í Líbanann sem átti bílinn á undan mér en hann vildi ekkert fyrir mig gera nema hann bauð mér að koma með bílinn aftur og fá hann endurgreiddann, sem ég vildi ekki.
Ég fer að leita að nýrri/annari rafmagnsdælu og finn eina í þorpi sem heitir Kværs og er ca 25 km í vestu-suðvestur af Sønderborg. Eins og Þorgils Björgvinsson gítarleikarinn í Sniglabandinu orðaði það svo skemmtilega: Ég fór til hvers. (Kværs er borið fram eins og hvers nema með kartöflu-ERR-i, ekki hægt að skrifa það nema þá bara "R"). En í til hvers fann ég s.s. rafmagnsdæluna og hún var sett í Mözduna á verkstæði sem kaupir og bíla og gerir upp og selur þá svo aftur, ásamt því að gera við fyrir aðra eins og í mínu tilfelli. Svo ég bauð einum gaurnum þarna að kaupa Nissan tíkina sem hann vildi. Og ætli ég fái ekki um 9000 kall fyrir kvikindið, sem er magnað. Losna þá við að gera við hann fyrir ca 13-15.000 og svo að borga 180% skráningargjöld sem eru reiknuð út frá hugsanlegu gangverði bílsins.
Hugsanlega gangverð bílsins er ákveðið af starfsmönnum Told og Skat hér í DK og er oft í engu samræmi við gangverð annara bíla sem eru fluttir til landsins. Í (flest) öllum tilfellum eru bílar hér metnir of hátt í verði en það er ekki bíleigendanna að dæma um það, aðeins starfsmanna skattsins. DANIR ERU KLIKK hvað varðar bílakaup og svoleiðis mál.
En hér er svo mynd af Mözdunni.
Vessgú.

Svo nú er bara að njóta og brosa :-)
eins og alltaf.

Þá er ekki fleira í fréttum að sinni.
Tæknimaður í þessari útsendingu var Acer TravelMate 7510
Kveðja,
Palli.

Aftur í samband

2008-02-14T00:37:00.002+01:00

Og við erum aftur komin í samband við umheiminn! Vá, hvað maður er eitthvað fatlaður þegar maður er ekki með netið. Ég veit ekki hversu oft ég hugsaði "hmm... best að gúggla þessu" þessa næstum þrjá daga sem við vorum netlaus. Þetta er svona svipað og ef rafmagnið fer af þá er maður fljótur að hugsa "æi, en huggulegt! kveikja bara á kertum, setja góða TÓNLIST Á, og hafa það huggulegt!"

Jebb. En prjónó og Dónó eru að koma á morgun. Ekki alveg allir því það vantar Sólveigu og Stefán og Gullu og Daníel. Ég á sérstaklega eftir að sakna þeirra síðarnefndu mikið. Ekki það að ég sakni ekki hinna líka, bara þekki G & D meira! Vá! Það er akkúrat ár síðan ég hitti þau síðast.... í rauðvínssötri heima hjá Elínu og Siggu! JESÚS MINN ALMÁTTUR SEM ÞAÐ VAR SKEMMTILEGT! Oh, við verðum að taka Sing Star með í bústaðinn um helgina.

Það er ekki búið að kaupa neitt fyrir helgina annað en bjór og rauðvín. Það fleytir okkur áfram fram á laugardag... þá kannski verslum við aðeins í matinn! Hehehe...

Nú bara verð ég að hringja í Guðrúnu Axels... aðeins að taka stöðuna.

Helga.

Netlausir aumingjar

2008-02-12T23:43:00.000+01:00

Við erum ekki með neitt net!
Netfyrirtækið vill að við borgum àskrift ì HVERJUM mànuði. Mèr finnst það bara frekja! Hehehe

guði sè lof fyrir gòða gemsa, þessi færsla er s.s. gerð ì Nokia E70!

Helga

Búum við í annarri heimsálfu?

2008-02-10T12:11:00.001+01:00

Við lesum það á Mbl.is að það er brjálað veður á Íslandi; hinar og þessar leiðir lokaðar vegna veðurs. Eyþór fór til Íslands í gær og vélinni hans seinkaði örlítið frá DK vegna veðurs á Íslandi, var mér sagt. Ég hringdi í hann áðan og hann sagði að hann og pabbi hans hefðu verið í 5 klukkutíma til Hvammstanga.

Og hér sit ég við stofugluggann og lít út. Úti er þessi líka rjómablíða, tæplega 10 stiga hiti og blankalogn! Gul blóm eru komin upp og mjög svo vorlegt hvert sem maður lítur. Það er ótrúlegt að hugsa til þess að Ísland er bar "örstutt" í burtu. Við erum jú í sömu heimsálfu, ekki satt? Þessi mynd hér fyrir ofan var annars tekin í gærkveldi af Palla (Sigrún, sjáðu bara hvað hann tekur flottar myndir!).

Ég fór sem sagt með Eyþór til Kaupmannahafnar í gær. Við fórum bara með lestinni því... ja, bæði vegna þess að ég nenni ekki að keyra þetta og líka vegna þess að bíllinn okkar er "deyjandi". Við treystum honum ekki þessa vegalengd. Í Köben hitti ég Bryndísi frænku Sollu vinkonu. Hún kom upp á flugvöll til að hitta okkur Eyþór því hún ætlar að taka á móti honum eftir viku þegar hann kemur aftur heim. Eftir að Eyþór var farinn röltum við Bryndís um Kaupmannahöfn og nú get ég loksins sagt að ég hafi séð eitthvað af þessum merku stöðum í borginni, t.d. eins og Litlu Hafmeyjuna og konungshöllina. Og einhverjar kirkjur!

Og til að svara Ólu Maju: Ég hef ekkert nennt að uppfæra Eurovision síðuna mína ennþá. Það kemur. Eurovision verður svolítið öðruvísi í ár því næstum því allir taka þátt í undankeppni. Það verða því 2 undankeppnir, önnur þann 20. maí, hin þann 22. maí og svo verður keppnin sjálf þann 24. maí. Ísland (og Danmörk) verða í seinni undankeppninni. Þetta verður því þreföld ánægja þetta árið!! Jeeeiii!! Meira uppdeit síðar!

Og það snjóaði loksins...

2008-02-03T13:09:00.001+01:00

Í gær fórum við Helga og Hinrik á rúntinn um Als. Við keyrðum upp í Nordborg og þaðan aðeins lengra, þangað sem sumarbústaður Prjónó og Dónó klúbba stendur, en Prjónó og Dónó eru að koma í hingað til Danmerkur vegna ársfunda félaganna. En á þessum tíma snjóaði, reyndar ekki þarna uppfrá heldur hér í Sønderborg. Svo hressilega að það festi á bílum. En nú er allur snjór horfinn.

Hér má sjá myndir af bústaðnum sem við verðum í. Við bústaðinn er sundlaug og alles, það sést í hana þarna í rauða kassanum. Svaka flott.
Þakið á bústaðnum er reyndar ekkert sérstaklega þétt. Við skulum bara vona að það rigni ekki mikið.

Við Helga hlökkum mikið til að sjá félaga okkar í Prjónó og Dónó.

Viðbót (bætt inn 4. feb)
Ég varð að setja inn myndir frá árunum 1999 til ca 2002. Efsti hlekkurinn til hægri á síðunni.

Kveðja
Palli.

Þorrablótið búið

2008-01-29T20:33:00.000+01:00

Já það gekk alveg hreint ágætlega. Fínasta blót bara. Enda góð hljómsveit sem hélt uppi fjöri á ballinu. Maturinn var líka mjög góður enda frá Norðlenska!

Ég hef bara ekki dansað eins mikið og ég gerði í örugglega einhver tvö ár! Svei mér þá. Ef það er þá ekki lengra síðan!
Það er annars hægt að skoða myndir frá blótinu með því að smella á linkinn til hægri.

Við mamma fórum svo í antík- og flóamarkaðsleiðangur á sunnudaginn. Maður endurnærðist gersamlega og veitti nú ekki af því ég var bæði dauðþreytt og öll lurkum lamin eftir þorrablótið. Ég verslaði eina styttu
sem er eins og þessi hér á myndinni. Bara aðeins minni, þ.e.a.s. mín er ca 30 sentímetrar. Mér finnst hún ferlega flott og á hún eftir að sóma sér vel í gluggakistunni inni í stofu.

Ætli maður geti sótt um antíkkaupastyrk frá ríkinu? Mig vantar svoleiðis. Sætti mig líka alveg við styrk til flóamarkaðsviðskipta.

Helga, væntanlegur styrkþegi.

Hinrik kann að hjóla

2008-01-24T15:39:00.000+01:00

Já, yngsti drengurinn er búinn að læra að hjóla! Við tvö löbbuðum í skólann til að sækja Marek og fórum með hjólið hans með okkur. Hinrik ætlaði að æfa sig á leiðinni. Hann er vanur hjólum á leikskólanum - tvíhjólum sem eru ekki með pedala - þannig að hann er vanur að halda jafnvægi á hjóli. Hann er bara ekki vanur að hjóla um leið og hann þarf að halda jafnvægi!
Hér er video af því hvernig gekk í byrjun.
Ég hélt fyrst í stýrið hjá honum en færði svo hendina og hélt í úlpuna hans. Ég var aðalega stressuð yfir að hann missti jafnvægið og færi út á götuna og fyrir bíl.

En þetta gekk ágætlega og fyrr en varði gat ég alveg sleppt honum. Eins og sést hér.

En hér er mikil spenna í gangi. Amma Ása er að koma í heimsókn, hún kemur bara svo seint í kvöld. Strákarnir fá allir að vera í fríi á morgun til að sjá sem mest af henni. Ég geri fastlega ráð fyrir því að hún verði alveg úrvinda eftir þessa heimsókn. Smá sjens að hún endurheimti orku á sunnudaginn þegar ég fer með hana í antík- og loppumarkaðsleiðangur! Já, ég geri fastlega ráð fyrir því.

En það er ekki bara hún sem kemur því á morgun kemur næstum því heil hljómsveit til okkar! Næstum því heil, því bassaleikarinn myndarlegi býr jú hér. Ingibjörg, Gummi og Hinni úr Kashmir eru að koma og Gunnar Ægir kemur með þeim sem hljóðmaður og þau ætla að spila á þorrablóti hér á laugardagskvöld. Geðveikt gaman. Eða ég geri allavega ráð fyrir því.
Við ætlum auðvitað út að borða annað kvöld, á Mongolian Barbeque... maður fer með alla gesti þangað!
Jamm... mikið að gerast framundan... og þetta er bara rétt byrjunin!
Og á ég að trúa því að enginn vilji kaupa miðann til Danmerkur!
Helga.

Hver vill til Köben? Eða alla leið til Sönderborgar.

2008-01-21T14:35:00.000+01:00

Hver vill kaupa miða til Kaupmannahafnar og til baka, dags. 28 febrúar - 2. mars, fyrir 16.000 kr. ?
Áhugasamir skoði bloggið hennar Hrafnhildar og hafi samband við hana.

Staðist

2008-01-15T17:10:00.001+01:00

Ég náði prófinu! Húrra! Hipp-hipp Húrra!

Þá er einn dagur í fríi og svo er bara að skella sér í næstu verkefni; skólann og þorrablótið hér í Sønderborg.

Mikil spenna

2008-01-14T19:36:00.000+01:00

Já, andrúmsloftið, í bekknum mínum, einkenndist af spennu, stressi og var mjög rafmagnað í dag. Ástæðan? Jú, eitt það erfiðasta próf sem við höfum farið í fram að þessu. Í þessu námi þ.e.a.s.
6 bekkjarfélagar mínir þreyttu prófið í dag. Og hún Hrund mín var fyrst af okkur stelpunum og hún brást okkur ekki heldur náði eins og við hinar vorum nú búnar að spá. Til hamingju Hrund! Af þessum 6 hefur einn fallið, og tel ég næsta víst að hann verði sá eini sem falli af öllum 13 - nema einhver verði svo hrikalega óheppinn að fá mjög erfiða spurningu eða að hann frjósi í kynningu.

Leyfið mér þá að útskýra þetta próf fyrir ykkur: Þegar fyrirfram ákveðinn tími er kominn, er kallað á þann sem fer inn, við skulum kalla þann aðila Hrund bara til að nota eitthvað nafn. Hrund fer inn í skólastofu og dregur þar tvær spurningar; önnur úr forritunarhlutanum í námsefninu, hin er úr tæknilega hlutanum. Síðan er Hrund fylgt inn í annað herbergi þar sem hún hefur 80 mínútur til að lesa í gegnum spurningarnar, koma reglu á hugsanir sínar, reyna að panikka ekki, fá sér vatn að drekka, róa taugarnar enn meira og byrja að forrita. Spurningin úr forritunarhlutanum snýst um að leysa eitthvað vandamál með því að forrita ákveðið efni. Klára þarf 80% af forritinu. Það þarf því ekki að virka en vera mjög langt komið. Þar fyrir utan þarf maður í huganum að ákveða kynningu á efninu. (Eins og maður hafi tíma til að hugsa um eitthvað annað en forritunarhlutann!) Hrund þarf líka að vera með augun á klukkunni því hún þarf að nota amk. 10 mínútur af tímanum til að undirbúa svarið við tæknilega hlutanum. Á þessum 80 mínútum fáum við að hafa allar þær glósur sem við þurfum, bæði rafrænar og á prenti. Við höfum ekki aðgang að interneti.

Eftir þessar 80 mínútur kemur kennari og sækir Hrund sem fylgir honum inn í skólastofuna, ef það hefur ekki liðið yfir hana af stressi. Þar þarf hún að kynna forritið sitt, útskýra upp á töflu hvað hún var að reyna að gera í forritinu OG muna eftir að tala um tæknilega hlutann líka. Hún þarf að tala nánast stanslaust í 30 mínútur ef vel á að vera. Takk fyrir. Inni í skólastofunni sitja 3 kennarar og prófdómari. Tæknihlutakennarinn er mjög almennilegur og reynir virkilega að hjálpa manni ef hann mögulega getur. Annar forritunarkennarinn er nokkuð hlutlaus, en reynir líka að hjálpa manni. Hinn forritunarkennarinn er eins og... jah... manni dettur aftökusveit í hug. Hann er mjög upptekinn við að negla mann á einhverju smáatriði að það er ekki fyndið. Sem einmitt gerðist fyrir hana Hrund. Hina Hrund sko, ekki þessa í dæmisögunni.
Allavega. Eftir málblaður fer Hrund (þessi í dæmisögunni) út úr skólastofunni og bíður þar á meðan kennarar og pr.dómari ræða málin og svo er kallað aftur á hana inn til að fá að heyra einkunina sem hún fær. Einkunin er bæ ðe vei á skalanum frá -3 upp í 12! Ekki reyna að fá mig til að tjá mig um þá helvítis vitleysu!!!

Ég er að fara í umrætt próf kl. 13 á morgun, og verð búin kl. 15. Til hamingju Ég á morgun!

Helga

Hver vill PÖNNUKLESSUR?

2008-01-12T17:25:00.001+01:00

Það er ekki þegar gott mamman á heimilinu (eða sá aðili sem hefur mestu reynsluna í pönnukökubakstri) verður veik. Það sýndi sig best þegar ég tók upp á því að steikja pönnukökur nú í dag. Helga liggur sem sagt í bælinu með hita og ég fékk þá klikkuðu hugmynd að ráðast í pönnukökugerð. Á myndinn sést árangurinn: Ekki góður. Ég tek fram að pönnukakan sem myndin sýnir er reyndar sú lakasta. Hinar heppnuðust sæmilega nema að það er full mikið "ástarbragð" af þeim; aðeins of mikið steiktar sumar. (Einfaldlega brunabragð)

Ég ætla að láta þetta gott heita af hveskonar bakstri... allavega þangað til ég verð stór.

Kveðja,
Palli.

Auglýsing fyrir þorrablót

2008-01-10T00:40:00.000+01:00

Óvænt tannlæknaferð

2008-01-08T08:38:00.000+01:00

Ég er búin að vera með óþægindi í neðri góm eins og ég sé með tannrótarbólgu, síðan á fimmtudag í síðustu viku. Í gær ákvað ég að bíða ekki lengur og drífa mig til tannlæknis. Óþægindin höfðu ekkert skánað, en heldur ekkert versnað. Ég er líka þannig að ef mér er illt einhverstaðar er ég sífellt að "tékka á því". Í þessu tilfelli var ég alltaf að bíta saman tönnunum til að tékka á hvort ég finndi enn til. Það er sko ekki til að gera hlutina betri.

Mér var bent á góðan tannlækni í Þýskalandi og hringdi þangað til að panta tíma. Sagiðst vera með tannpínu sem er eins nálægt því að vera satt eins og það er nálægt því að ég geti útskýrt hvað var að mér á dönsku. Tannlæknar í Flensburg og ritarar þeirra tala flestir dönsku.
"Geturðu komið snemma í fyrramálið?" spurði ritarinn.
"Nei, því miður, það get ég ekki. En ég get komið seinni partinn og alla hina dagana" svaraði ég.
"Er kl. 11 í fyrramálið líka of snemmt?"
"Já. Ég er sko í skóla og er í tímum í fyrramálið, en ekkert hina dagana" svaraði ég.
"Hmm... geturðu komið núna?"
"NÚNA? Jah... ég bý sko í Sønderborg og það tekur mig 40 mínútur að keyra."
"Já, já það er allt í lagi. Komdu bara núna ef þú getur."
Svo ég dreif mig. Rauk út, og keyrði til Flensborgar í rigningunni. Fann tannlæknastofuna um leið, enda hafði ég prentað út kort frá Google maps. Ég þurfti auðvitað að bíða smá stund en var svo vísað inn í tannlæknastólinn þar sem ég beið aðra dágóða stund.

Svo kom tannlæknirinn. Ég sagði honum hvað væri að mér; að ég finndi til í neðri góm. Hann skoðaði tennurnar og þuldi upp eitthvað á þýsku. Það eina sem ég skildi voru tölur. Engin kunnugleg orð eins og "murder", "Derek, wor bist du" eða "Ich bin kriminalpolizei" hljómuðu í mín eyru. Orðaforði úr Derek er mín þýskukunnátta.
Áður en ég vissi af var tannlæknirinn farinn að bora í tennurnar. Það hafði brotnað fylling úr einn tönninni í haust og hann ætlaði greinilega að gera við hana. Engin deyfing. Ekki svo ég viti. Allavega ekki úr neinni sprautu. Fyrr en varði var hann búinn að fylla upp í hálfu tönnina og farinn að bora í annarri tönn hinu megin. Og takið eftir, þær voru báðar í efri góm. Fylling í þá seinni, tannsteinn hreinsaður, tennur pússaðar og búmm... 15 mínútum síðar var ég búin og tannlæknirinn farinn!

Ég steig upp úr stólnum og sagði við klinkuna "Þetta var nú fljótt!"
"Já. Við sendum þér svo reikninginn" sagði hún bara og brosti.
Ég kom mér út, leið undarlega í munninum. Fannst fyllingin í hálfu tönninni vera allt of stór. Til að tékka betur á því er ég alltaf að bíta saman jöxlunum og fyrir vikið er ég orðin helaum í fylltu tönninni og líka í þeirri sem er beint fyrir neðan hana.

Engin sýnileg tannrótarbólga sagði tannsi og mér líður eins og hann hafi bara dreyft athygli minni frá ímyndaðri bólgu.

Helga

OOHHHHH OG AAARRRRGGGGG

2008-01-05T22:26:00.000+01:00

KONAN MÍN ER HÁLFVITI......

Ath. Þetta stæði

2008-01-04T17:06:00.001+01:00

Þetta stæði er AÐEINS fyrir þá sem ekki nenna inn með maka sýnum að versla. Tekið fyrir utan SuperBrugsen við Klövermarken í Sönderborg. Skondið það.

GLEÐILEGT NÝTT ÁR

2008-01-01T01:39:00.000+01:00

Jú við hér á Ringgade 77 (2 tv) segjum við ykkur öll:
Gleðilegt nýtt ár og kærar þakkir fyrir það gamla.

Við skruppum í smá heimsókn til Hrundar og Steina. Þar var farið í Singstar keppni og sitthvað fleira skemmtilegt gert.
Til dæmis skotið upp sprengjueldum eins og Hinrik kallaði flugeldana.

Hafið það gott.

Kveðja,
Palli.

Annar í jólum

2007-12-26T20:22:00.000+01:00

Voðalega er tíminn fljótur að líða! Ég sem ætlaði að gera svo margt um jólin, bjóða fólki í heimsókn, hvetja Eyþór til að fara að leika við vini sína áður en hann fer til Íslands, læra alveg heilmikið... og svo frv.

Eyþór fer heim á morgun, hann hefur ekkert farið að leika við aðra. Ég fór aðeins upp í skóla í dag... lærði aðeins. Hef ekki boðið sálu til okkar...

En sem betur fer er þetta ekki alveg búið. Ég fylgi Eyþóri til Kaupmannahafnar á morgun og við förum bara með lest. Ég var reyndar algerlega úti að aka þegar ég pantaði lestarmiðana því það var algerlega fastskrifað í kollinum á mér að hann færi þann 28. Svo ég pantaði lestarmiða fyrir þann dag. Sem betur fer tékkaði ég á dagsetningunni á öllum miðunum (flugmiðanum líka) og sá að þetta voru alls ekki sömu dagarnir svo ég gat pantað nýja miða og fæ hina endurgreidda að hálfu! Hefði auðvitað getað farið í lestarferð fram og til baka þann 28. líka. Bara svona til að skemmta mér!

Annars hafa jólin verið alveg yndisleg. Maturinn var hrikalega góður sem skemmir nú ekki fyrir. Hinrik var alger brandari því hann misskildi eitthvað varðandi þetta allt. Málið var að Marek las á pakkana og hann fékk því ansi oft "Takk Marek minn" frá Hinrik og oftar en ekki fylgdi rembingskoss í kjölfarið. Eyþór hafði teiknað fjársjóðskort fyrir þá hina tvo og lét þá leita að sínum pökkum frá honum. Marek grætti svo pabba sinn þegar hann las á merkimiða frá Ingunni og Heimi þar sem stóð "takk fyrir spilamennskuna" en þetta langa orð stóð svo í honum að hann ætlaði aldrei að getað lesið það. Á meðan grenjaði Palli af hlátri - hljóðlega! Eyþór dansaði um af gleði þegar hann fékk samlokugrill í jólagjöf og fullyrti að hann hefði sko fengið bestu gjöfina!
Við Palli fengum met í DVD myndum; 8 stykki talsins sem þýðir að við neyðumst til að kaupa okkur DVD spilara fljótlega :-)

Og svo fengum við Palli sitthvora bókina. Takk tengdó! :-)

Myndir frá þessu kvöldi fara svo að koma inn.

Mojn, Helga

Gleðileg Jól

2007-12-24T13:56:00.000+01:00

Já, jólin komu bara þó svo ég væri ekki búin að skúra! Alveg ótrúlegt!

Þessi jól verðum við með mikið af kertaljósum svo maður sjái ekki óskúruðu gólfin eða fatahrúguna sem á eftir að þvo.

Þetta eiga eftir að verða góð jól, enda síðustu jólin okkar hér í Danmörku... ekki það að ÉG sé farin að telja niður. Það verður hamborgarhryggur í matinn, möndlugrautur á eftir og hangikjöt á morgun. Við eigum svo góða nágranna (Sólrúnu og Garðar) sem ætla að koma á eftir með laufabrauð handa okkur. Í staðinn gefum við þeim slatta af hrísgrjónasalati til að hafa með hamborgarhryggnum! Frábær skipti.

Palli er veikur, hann vaknaði með bullandi hita og hausverk í gær og var rúmliggjandi allan gærdag. Sama dag bakaði ég mömmukökur og um það leyti sem ég var að setja kremið á þær gat hann skriðið fram til að smakka. Nei, nei smá ýkt, en hljómaði samt vel.

Ég fór með strákana í kakóboð heim til Eddu Selmu og Sighvats í morgun. Það var hrikalega huggulegt! Þegar við fórum út þá var hvítt hrím yfir öllu og strákarnir, þessir yngri, hrópuðu upp yfir sig; Loksins snjóaði í Danmörku!!

Hey, man eftir einu; karlinn á fyrstu hæðinni - þessi með sterka Valdarássvipinn (hann hlýtur að vera skyldur Helga heitnum frá Valdarási) talaði við Palla hérna við póstkassana og bað okkur um að láta sig frá íslensk frímerki. Við fáum náttúrlega bara 80 krónu frímerki fyrir þessi jól og allur annar póstur er bara með stimpli. Svo ef það er einhver sem nennir að klippa frímerkin af umslögunum og senda okkur þá yrði það æði!

Við óskum ykkur Gleðilegra jóla!

Helga.

Ljós og mynd.... verða að ljósmynd.

2007-12-22T02:04:00.000+01:00

Það er alveg hreint með ólíkindum hvað það er gaman að taka myndir. Sérstaklega ef maður hefur góða græju eins og við Helga vorum að fá okkur, (mamma og tengdamamma gáfu okkur reyndar slatta af henni í jóla- og afmælisgjafir og takk fyrir það elskurnar mínar) Canon 350D. Alveg hreint geðveikt góð græja. Það er hægt að skoða myndirnar sem ég var að taka nú í kvöld með því að smella á "Næturmyndir" linkinn hér til hægri. (Og svo þegar að ný bloggfærsla kemur þá verður það "hér UPPI og til hægri")

En eins og flestir sem lesa þetta blogg hérna vita, þá er ég kominn aftur til Danmerkur með tilheyrandi látum og óhljóðum. Það er fínt.

Líklega verður spilað eitthvað milli jóla og nýárs, í það minsta æft með Gauta, Jens(i) (tíhíhí) og Carlottu... ef ég man rétt...
nei ég var nú ekkert búinn að fá að vita hvað hún heitir, söngkonan og gítargyðjan sem Jens(i) er búinn að tala við um að spila jafnvel með okkur í þessu bandi.... sem er að verða til..... vonandi. Bráðum. En við köllum hana bara Carlottu..... eða kartöflu.

En munið að skoða myndirnar. Þær eru geðveikt flottar, þó svo ég segi sjálfur frá.

Ég er farinn út að taka fleiri myndir. Ég verð nefnilega að ná myndum af Sønderborg frá Als brúnni. Það er mjög erfitt sökum mikillar umferðar á daginn og hef ég því ákveðið að, gerast "hálf brotlegur" og fara NÚNA, klukkan 02:40 að nóttu til og taka myndir þegar traffíkin er sem allra minnst. Það er ekki vel liðið að það sé verið að ganga mikið á þessari brú.

Hafið það gott greyin mín og þar sem ég kem ekki til með að blogga meira fyrr en á næsta ári þá segi ég GLEÐILEG JÓL OG FARSÆLT KOMANDI ÁR.

Kveðja,
Palli.

Allt í gúddí á þessum vígstöðvum

2007-12-17T20:50:00.000+01:00

Það er lítið að frétta...

Jólakortin hafa verið send
Síðasti jólapakkinn hefur verið sendur
ég er orðin húkkt á Journeyman
Survivor er búið
Dexter er búinn
allir aðrir þættir komnir í frí
Ég fer ekki í frí fyrr en á föstudaginn.

Annars var helgin fín. Nei, hún var bara nokkuð góð! Laugardagurinn var góður fyrir okkur öll - nema kannski síst fyrir Palla. Við fórum með strákana í SumSum land sem er svona risastórt Ævintýraland svipað og er í Kringlunni, bara miklu stærra. Þar skildum við strákana eftir hjá Evu og co og við Palli fórum niður í miðbæ Flensborgar. Byrjuðum í mollinu í jólagjafainnkaupum. Hittum þar kunningja; Viðar og Rannveigu með strákinn sinn og ákváðum að fara á kaffihús saman. Það var geðveikt huggulegt!

Eftir kaffihúsið var farið út úr mollinu í C&A og svo á göngugötuna og þá fór nú að síga á þolinmæðina hjá honum Palla mínum. Göngugatan var nefnilega PAKKFULL af fólki. Ekki fullu fólki samt. Hann var ekki alveg að fíla verslunarleiðangur með svona mörgu fólki. Auðvitað vill hann bara vera aleinn með mér! En við náðum að fara í þær tvær búðir sem við þurftum í án þess að hann missti algerlega geðheilsuna. Og ekki var hægt að sjá á honum að geðheilsan væri nokkuð tæp! Ég hefði hinsvegar getað verið þarna í amk. 4 klukkutíma í viðbót!

Í gærkveldi borðuðum við lambahrygg í boði Þórunnar, sem borðaði auðvitað með okkur og svo fengum við Garðar í heimsókn og stuttu seinna Hafdísi og Leif.

Já, bara hin fínasta helgi.

Helga

Lífið er dásamlegt

2007-12-14T17:40:00.000+01:00

... eins og hann Gústi Jak segir alltaf.

Palli kominn heim. Ég er upptekin við að leyfa honum að bera alla ábyrgð á heimilinu (lesist; ég er upptekin við að slappa af!)
Við förum öll til Flensborgar á morgun - já minnir mig á að ég verð að muna eftir öllum vegabréfunum! Matilda hennar Evu Bjarkar heldur upp á afmælið sitt þar í einhverju ævintýralandi og við foreldrarnir getum vafrað stefnulaust um miðbæinn á meðan. Ef við finnum þá bílastæði! Það er yndislegt að fara á göngugötuna í Flensborg í desember. Gatan er bókstaflega full af fólki, það eru sölubásar um allt, mjög margir þeirra eru með jólaglögg og eitthvað annað sem ilmar dásamlega. Svo er hægt að kaupa ristaðar hnetur - sem ilma líka dásamlega. Ég fer full væntinga um að finna jólaskapið þar!

Helga

Bara að láta ykkur vita...

2007-12-10T15:49:00.000+01:00

... að Palli kemur heim á morgun! Jibbííí

Hinrik fékk heim með sér tvo jólabúálfa - eða julenisse eins og þeir kallast á dönsku - yfir alla helgina. Hann tók þessu starfi sínu sem gestgjafa mjög alvarlega, lét þá fara að sofa og leyfði þeim bæði að horfa á sjónvarpið með sér og spila í PlayStation tölvunni. Þeir gerðu auðvitað einhvern ursla um nóttina - bara þá seinni. Þeir voru nefnilega svo hrikalega þreyttir fyrri nóttina að þeir sváfu út í eitt.

Í gær þurfti móðirin fullkomna að skrifa svo lýsingu á heimsókninni - á dönsku auðvitað. Ekki er hún fullkomnari en svo að hún steingleymdi bókinni í leikskólanum þannig að ég gat ekki einusinni séð hvað hinir höfðu skrifað hvað þá meira! En ég gat soðið saman eitthvað sem fyllti A4 blað - með myndum og Guði sé lof að Sigga Hreins var online og gat farið yfir þetta fyrir mig áður en Hinrik skrifaði undir og fór með þetta upp í leikskóla.

Það lá nú samt við dauðsfalli þegar Eyþór Logi - uppáhalds elstidrengurinn - sá blaðið liggja hér á borðinu og sá allar villurnar á því! Sérstaklega þegar hann sá að móðirin fullkomna hafði skrifað "i stofaen" í merkingunni "í stofunni" þá veltist hann um af hlátri! Sem betur fer hafði móðirin fullkomna líka séð villuna og leiðrétt hana áður en blaðið fór í leikskólann en samt skildi uppáhalds elstisonurinn mörg orð eftir undirstrikuð á blaðinu. Orð sem hann hefði leiðrétt.

Mikið að gerast

2007-12-04T22:08:00.000+01:00

Síðasta helgi var ansi hreint annasöm og skemmtileg svo ekki sé meira sagt. Við byrjuðum á að fara niður í bæ að sjá kveikt á jólatrénu á föstudaginn. Strax á eftir fór Hinrik upp í leikskóla með dýnu og svefnpoka því hann ætlaði að gista þar ásamt hinum krökkunum á deildinni og kennurunum þar. Síðan var bara hyggekvöld hjá okkur Eyþóri og Marek.

Við mættum svo upp í leikskóla snemma á laugardagsmorgun til að sækja Hinrik og borða morgunmat með honum þar. Það var frábært. Hann var mjög ánægður með gistinguna enda fékk hann að sofa við hliðina á Tine leikskólakennara sem hann elskar! Hann verður allur mjúkur í framan þegar hann talar um hana. Það er svo fyndið.

Brunað var til Þýskalands á laugardaginn til að versla smá inn. Guð hvað ein stutt verslunarferð getur tekið hrikalega langan tíma!

Á sunnudaginn brunaði ég svo til Billund. Fór í morgunmat til Fanneyjar og Ágústar - þetta er farið að líta út eins og ég keyri hist og her bara til að snappa mér fríum morgunmat! En takk þið tvö, það var frábært að hitta ykkur og það var eins og mig grunaði, þetta var eiginlega allt of stuttur tími!

En ástæðan fyrir því að ég keyrði alla leið til Billund er sú að ég var að sækja mömmu og Halldóru sem ferðuðust alla leið til Sønderborgar frá Kaupmannahöfn bara til að hitta okkur í 6 klukkutíma! Það var YNDISLEGT að fá þær og þar var líka allt of stuttur tími! Marek hafði haft orð á því áður en þær komu að hann skildi bara ekkert í þeim að koma í svona stuttan tíma. Honum fannst 3 dagar vera við hæfi. En okkur fannst frábært að fá þær báðar!

Palli kemur heim eftir viku. Það eru 7 dagar, u.þ.b. 164 tímar! Húrra!

Ekkert jólastress hér

2007-11-29T23:55:00.001+01:00

Vitiði hvað ég elska? Nei, ég skal bara segja ykkur það. Ég ELSKA þrifkonuna mína. Það er algerlega platónsk ást, en ég hlakka til í hverri viku að hún komin hingað heim og skúri fyrir mig. Það er fátt eins ánægjulegt eins og að koma heim til sín og heimilið er hreint og tiltekið og maður átti svo lítinn þátt í því. Kristín, takk fyrir að skúra hjá mér. Þú ert yndisleg!

Ég nefnilega elska Kristínu jafn mikið og ég hata heimilisstörf. Og það er nú ansi mikið. Verst að við getum ekki átt hana.

Palli minn, ferðu nú ekki að koma heim?

Annars er lífið allt að flækjast þessa dagana, fyrir grasekkjur. Það er nefnilega svo mikið um að vera í skólum, jólaföndur hér, ljósahátið þar, Hinrik að gista í leikskólanum, Hinrik að "fara út að borða" í leikskólanum, Marek að ákveða hvort hann eigi að taka þátt í Lúsíuhátíð í skólanum. Fundur í nestismálanefndinni, sem ég er í, í leikskólanum. Mamma og Halldóra að koma á sunnudaginn í örfáa klukkutíma. Allt of fáa. Hinrik í barnaskoðun í fyrramálið, Eyþór þarf að fara í klippingu. Svo þarf að klára jólagjafakaup, jólakortagerð, baka örlítið... best að geyma það aðeins! Muna eftir að skutla Eyþóri í tónlistarskóla á mánudögum, hinum strax á eftir í leikfimi, Marek á sundnámskeið á miðvikudögum. Fundur í þorrablótsnefnd, jólaglögg hjá Ann og Gísla á sunnudagskvöld. Namm jólaglögg... sem minnir mig á það að um daginn... síðustu viku eða einhverntímann, hver er svosem að telja dagana, þá var s.s. jólaföndur í leikskólanum og við fórum auðvitað öll. Haldið ekki að þar hafi verið á boðstólnum jólaglögg fyrir FULLORÐNA fólkið. Já alvöru jólaglögg með ÖLLU. Ef leikskólar eru eitthvað að kvarta yfir áhugaleysi foreldranna í sambandi við svona viðburði þá er þetta einmitt lausnin; áfengi á boðstólnum fyrir þreytta foreldra. Jiii hvað það trekkir að! Ha?

En allavega, mitt í öllu amstrinu erum við í verkefnavinnu í skólanum. Við erum að hanna forrit fyrir flugmiðabókanir. Mjög skemmtilegt.

Já, það er mikið að gera á sumum heimilum í Danmörku. Ansi hreint mikið.... skál bara!

Vinsælasta orðið.

2007-11-23T19:38:00.000+01:00

Ef til væri keppni um mest-notaða-orðið þá held ég að á þessu heimili myndi orðið “hættu” hreppa vinninginn. Eflaust eru einhverjir sem myndu halda að orðið “mamma” væri mest notað en það er nú ekki svoleiðis. Hinsvegar er “hættu” orðið mest notað af þeirri sem svarar til “mömmu” orðsins.

“Hættu” er líka stundum notað í fleirtölu – já og jafnvel oftar en ekki, og er það þá “hættið”. Ýmislegt getur fylgt þessu orði, langoftast önnur orð en því miður sjaldan sagnorðið “að hlýða”.
Algengast er að heyra “hættu” eða “hættið” með mismunandi raddblæbrigðum, langalgengast er hvass reiðitónn, stundum sagt á milli hláturkviða þá alls ekki með reiðitón og mjög oft heyrist þetta sagt með uppgjafartón. Hér á eftir kemur listi yfir algengar notkunarmyndir orðsins “hættu” eða “hættið”:
Hættu / hættið
Strákar, hættið þið!
STRÁKAR, HÆTTIÐ ÞIÐ!!
Viljiði gjöra svo vel að hætta!
Hættu/hættið þessum hávaða.
Hættu/hættið að fíflast.
Hættu þessum leikaraskap.
Hættu/hættið þessu suði.
Hættu að kitla.
Og þegar kveikjuþráðurinn er orðinn verulega stuttur og viðkvæmur: hættið þið þessum helvítis hávaða/látum (eða hvað sem það er).
Í Guðs bænum, gerið það fyrir mig að hætta....

Í næsta þætti tökum við fyrir orðið "ekki".

Helga - í málræktarpælingum.

Frúin í Hamburg

2007-11-21T10:40:00.000+01:00

Mikið agaleg ósköp sem maður getur orðið fróður á nokkrum dögum! Nú veit ég alveg heilmikið um jólamarkaðinn í Hamburg. Hér er t.d. ein mynd af honum:

Ansi flott þetta.
Markaðurinn er haldinn frá 27. nóvember til 23. desember og hef ég lesið að fólk í norður Þýskalandi fari hreinlega ekki í jólaskap fyrr en það hefur farið á jólamarkað. Þetta getur reyndar verið kolrangt og alger misskilningur því ég las þetta allt á þýsku. En það hljómar allavega vel! :-)

Það væri nú gaman að kíkja! Bara smá! Einn dag til dæmis. Ha? Palli? Eigum við? Fara bara öll saman. Ha? Þaggibara?

Annars er ég bara að slæpast í skólanum... ja, slæpast og ekki slæpast! Ég er búin með skilaverkefnið sem við eigum að skila á föstudaginn. Já! Þið lásuð rétt, ég er ekki á síðustu stundu! Alls ekki. Svo ég er bara að dunda mér við eitthvað annað... laga kóðann... blogga... lesa póst... spjalla við Hafdísi... borða snúð... drekka kaffi... og margt fleira. Já, það er svo margt sem manni er til lista lagt! Allt þetta get ég gert og margt til.

Ja, hérna... það fer bara að koma hádegismatarhlé! Kominn tími til að fá smá pásu.

Það var Helga sem gaf sér augnarblik frá amstri dagsins til þess að blogga!

Jólamarkaður

2007-11-19T00:06:00.000+01:00

Ég var að heyra að það væri STÓR útimarkaður í Hamburg í Þýskalandi þann 12. desember.

Veit einhver annar eitthvað um þetta?
Ætlar einhver að fara?
Á að láta þetta fram hjá sér fara?

Já, maður spyr sig...

Helga, í jóla(markaðs)hug

TIL HAMINGJU MEÐ DAGINN ÁSTIN MÍN!

2007-11-16T08:50:00.000+01:00

Hann Palli minn á afmæli í dag! 35 ára karlinn og aftur orðinn jafngamall mér! Og mér finnst svo leiðinlegt að vera ekki hjá honum. En svona er þetta bara. Ég var nú að hugsa um að baka bara köku og fara með í skólann á morgun til að halda upp á þennan merkisdag... en hætti við og læt duga að fara sjálf með strákana í afmælisveislu Sólbrár Söru Leifsdóttur sem er 30 árum yngri en Palli. En af tilefni dagsins ætla ég að setja inn nokkrar myndir af kappanum:

Enn og aftur: Til hamingju með daginn Palli minn, vona að þú getir gert þér einhvern dagamun og að hún tengdamóðir þín gefi þér extra góðan mat að borða.

Helga - jafngömul.

Smá update á veðri

2007-11-13T08:31:00.000+01:00

Það er svo langt síðan ég hef talað um veðrið hérna að ég er viss um að þið haldið að hér sé alltaf sól og sumar. En nei, það er sko ekki aldeilis svoleiðis. Og því ákvað ég að koma með smá veðurfréttir.

Kl. 7:50 í morgun var hitinn í 2 gráðum, loftraki var 93% og það var hreint út sagt skítakuldi. Ég þurfti að skafa af bílrúðunum áður en við lögðum af stað. Strákunum fannst það alls ekkert leiðinlegt því þetta er sá mesti snjór sem þeir hafa séð hér í Danmörku í tæpt ár!

Þrátt fyrir kuldann er alveg hreint yndislegt haustveður! Sólin er komin upp og litar allt gult og það er alveg stillt. Ég ætla samt bara að hanga inni. Þarf endilega að læra smá... vinna upp verkefni og svoleiðis.

Annars er bara allt í gúddí hér. Það eru kostningar í dag, sem er gott því þá fara helv... auglýsingaskiltin að fara niður. Jii, hvað ég er orðin þreytt á þeim. Hehehehe... þetta minnir mig á skiltin sem við Jóna Magga bjuggum til fyrir nokkrum árum. Það voru sveitastjórnarkostningar og daginn fyrir kjördag þá máluðum við á skilti, vöknuðum svo eldsnemma um morguninn (kl. 5 held ég) og fórum með skiltin niður á bryggju. Við þurftum nefnilega að negla þau á spýtur og vildum ekki taka sjensinn á að einhver vaknaði, þess vegna fórum við niður á bryggju. Hahahahaha... guð hvað við hlóum mikið. Síðan fórum við fyrir utan hverja kostningaskrifstofu og negldum niður skiltin þannig að fyrir utan skrifstofu Framsóknarflokksins var skilti sem á stóð "X-B fyrir brjóstabínur", Sjálfstæðisflokkinn: "X-D fyrir dásamlegar dísir", T-listann: "X-T fyrir tælandi tátur" og ég man ekki hvað stóð á S-lista skiltinu. Voru svo nokkuð fleiri flokkar með framboð? En mikið hrikalega fannst okkur þetta fyndið! Og flestir höfðu líka húmor fyrir þessu, ég frétti reyndar að einn flokkurinn hafði það ekki og tók skiltið strax niður. Það er svona fíflagangur sem gefur lífinu lit! :-)

Það var Helga sem sagði pólitískar veðurfréttir úr nafla Evrópu.

Fíkn

2007-11-09T23:38:00.000+01:00

Hæ, ég heiti Helga og ég er fíkill.

Ég er háð sjónvarpsþáttum og hef verið það í nokkur ár. Get reyndar einhvernvegin náð að trappa mig niður um sumartímann en svo hellist þetta yfir mann aftur. Nú orðið get ég varla beðið eftir að helgin komi svo ég geti dottið í það og horft á Survivor, Americas Next Top Model, Gray's Anatomy, Ugly Betty, Men in Trees, Beauty and the Geek og nú síðasta og stærsta fíknin; DEXTER! Ég eeeellllska Dexter! Er nokkuð til kynþokkafyllri raðmorðingi? Ef ég lendi einhverntíman í klóm raðmorðingja - pant þá fá Dexter! Sjitt... segi ég bara. Þetta eru snilldar þættir, frábært plott, vel skrifaðir og frábærir leikarar! Sá sem leikur Dexter lék líka David í "Six feet under". Ég horfði á þá annað slagið, en ekki meira en það.

Ég hefði aldrei átt að byrja á að horfa á Dexter! Eða... öllu heldur, ég hefði bara átt að bíða með það þar til um jólin. En nei, sjálfsstjórnin er ekki meiri en svo að ég gat ekki hamið mig og varð að horfa.

Það er sagt að fyrsta skrefið í átt að bata sé að gera sér grein fyrir fíkninni. Ég geri það en ætla sko ekkert að fara eitthvað að "laga" þetta. Ne-hei, ég er sko hæst ánægð með þessa fíkn. Verst að þurfa alltaf að bíða í heila viku eftir þáttunum. Það er frekar ömurlegt.

Á hvað horfið þið?

Vika eitt. :-)

2007-11-05T12:04:00.001+01:00

Jahérna, ég lifði af fyrstu vikuna þar sem ég er alein með strákana.
Ég er með góða geðheilsu.
Strákarnir eru heilir á húfi.
Þeir eru líka með ágæta geðheilsu!
Ég er búin að horfa á alla 1. seríuna af Dexter og alla þætti í 2. seríu sem búið er að sýna!
Enn með góða geðheilsu.

Palli er á Íslandi.
Held hann sé með ágæta geðheilsu... veit ekki annað.
Held hann ætti kannski að kasta inn eins og einni eða tveimur færslum hér á bloggið.

Ég er meira að segja búin að ná því að mæta í skólann á hverjum degi AMK 5 MÍNÚTUM FYRIR 8. Á hverjum degi, var ég búin að segja það? Það er reyndar ekki nema að hluta til mér að þakka, og að mestu strákunum að þakka því Marek er farinn að taka upp á því að láta vekjaraklukku hringja og vekja sig klukkan 6 á hverjum morgni - eins og Eyþór gerir - og svo þegar ég vakna rétt fyrir 7 er hann komin á fætur, búinn að borða morgunmat og er að horfa á teiknimyndir í sjónvarpinu. Og hann er jafnvel búinn að vekja Hinrik líka! Þannig að þeir eru aldeilis vel vakandi þegar við þurfum að fara út.
Eyþór hefur gert þetta í u.þ.b. 2 ár. Vaknar eldsnemma, borðar, klæðir sig og fer svo í tölvuna eða horfir á sjónvarpið. Honum finnst hann svo miklu betur vakandi þegar hann fer í skólann og ekki dottandi í tímum. Mér dettur ekki í hug að banna þetta, en ég set samt mörkin við kl. 6. Þ.e.a.s. þeir mega ekki fara að vakna fyrir klukkan 6 - nema þeir fari þá þeim mun fyrr að sofa á kvöldin!

Þetta minnir mig nú reyndar á það að í amk 2 ár var ég með auka vekjaraklukku sem hringdi alltaf kl. 4 á nóttinni því mér fannst SVO GOTT að slökkva á henni aftur, vitandi það að ég gæti sofið í amk 3 tíma til viðbótar! Er maður í lagi??

Uppgjör helgarinnar

2007-10-29T18:43:00.000+01:00

Pólland var, er og verður yndislegt! Og þá er búið að afgreiða helgina!

Þetta var frábær ferð með frábærum stelpum... takk stelpur...
frábærum búðum, þótt frekar lítið hafi verið verslað frá þessum bæ,
frábærri mynd í bíói, þótt erfitt hafi verið að skilja arabískuna með pólska textanum sem var svona circa 1/3 myndarinnar
Frábærum mat, sérstaklega á laugardagskvöldið,
Frábærri skoðunar-gönguferð á sunnudagsmorgun með Kristínu
og frábærum bíladisk á leiðinni heim

Mínusar voru:
Allt of hart rúm og ælupest allan laugardaginn.

Og svo hefst grár hversdagsleikinn. Fjall af þvotti, skóli með uppsafnaðari heimavinnu, skutla strákunum hingað og þangað, nestissmurningur og ég veit ekki hvað og hvað.
Palli er farinn til Íslands og verður þar þar til Guð veit hvenær... það er svona cirka mánuður.

Ég hlakka til kvöldsins því ég á vikuskammtinn minn af sjónvarpsefni allt eftir; Greys, ANTM, Men in Trees, Betty, og ekki má gleyma Survivor.

Þar til seinna.

Úbbbsssss.....

2007-10-28T22:14:00.002+01:00

Gleymdi mér aðeins.

Hér er laugardagsbloggið:

Rólegt í dag. Ekkert gubb. Regina frænka kíkti í heimsókn. Skruppum aðeins út fyrir hússins dyr.
Búið.

Og svo sunnudagsbloggið:

Til að gera langa sögu stutta, Við strákarnir fórum til Reginu og Klaus í dag og borðuðum þar bollur. Þar á eftir fórum við í Keilu í boði Íslendingafélagsins í Sønderborg. Fjör.
HELGA VAR AÐ KOMA HEIM.
Og ég fer/kem til Íslands á morgun.
Líka búið hér.

Palli.