Frétt á mbl.is

Hafiði lesið fréttina um líkamsræktarstöðina fyrir berrassaða, já eða öllu heldur fyrir alsbera?

Mikill áhugi á líkamsrækt fyrir nakta

Þetta er semsagt karl í Hollandi sem hefur hug á að opna líkamsrækt þar sem fólk getur spásserað um alsbert! Það fór um mig hrollur þegar ég fór leiftursnöggt að myndskreyta! Fólk að beygja sig til að lyfta lóðum... og... já nei ég ætla ekki að segja það... eakkkkkk!!! En skv. fréttinni er einhver eftirspurn eftir þessari stöð svo hún verður sennilega sett á stofn. Karlinn ætlar að "gera ráðstafanir til að koma í veg fyrir að öfuguggar fái aðgang að námskeiðinu". Hmmm... hvernig ætli hann geri það?
Ja, ég bíð spennt eftir frekari fréttum af þessari stöð!

Allt annað en Eurovision!

Já, eða þannig!
Palli kom heim í gær eftir viku útlegð. Vinnan skilurðu! Hann var að keyra flutningabíl einhverstaðar norðurfrá hjá Álaborg eða eitthvað í rosa snjó og bara læti, sko. Þið sjáið hvað ég set mig mikið inn í vinnurútínuna hans. :-) En það er gott að fá hann heim!

Við áttum von á gestum í dag. Ég bakaði köku og bjó til brauðrétt. Um kl. 3 hringdu verðandi gestirnir og sögðust seinka um a.m.k. 30 mín. Það var allt í lagi og ég ákvað að baka nokkrar pönnukökur því börnin yrðu svo mörg en um 20 mín seinna hringdu þau aftur og sögðust alls ekki komast - ekki í augnablikinu allavega - því bíllinn neitaði að fara í gang. Nú voru góð ráð dýr - ja, allavega ekki gefins - og var hringt í Ingu og Hjalta. Þau voru ekki heima svo við hringdum í Regínu og Klaus sem þáðu kaffiboð. Hjúkkit. Stuttu seinna hringdi Hjalti og ég bauð þeim að koma líka. Svo þetta reddaðist allt og nú bíðum við bara spennt eftir upprunalegu gestunum.

Það var annars alveg yndislegt veður hér í dag. Við búum enn á Mallorka, svona næstum því. Ég held að það hafi verið um 10 stiga hiti hér í morgun, logn og fuglasöngur. Ekta vorveður! Já, það er gott að búa í útlöndum!

Æi, það hefur alveg gleymst að minnast á að það hefur fjölgað í fjölskyldunni um tvo. Gerðist meira að segja um síðustu helgi og það er bara ekki minnst einu orði á það! Eyþór eignaðist tvo hamstra um síðustu helgi. Þeir eru ferlega sætir, eru sennilega kallaðir dverghamstrar - án þess að ég viti það, nema þeir séu extra fíngerðir. Okkur var sagt að þetta væru karl og kona, ég vona að það sé ekki satt og krossa fingur svona til öryggis. Þeir komu í ferlega sætu búri, með hringstiga upp og ofan á þakinu var hljól sem þeir notuðu óspart. Á nóttunni! Öllum öðrum fjölskyldumeðlimum til mikils ama! Þeir áttu nefnilega til að bera mat í hjólið og hlaupa svo af öllum kröftum svo hringlaði í matnum. Ferlega leiðinlegt að vakna upp við þetta á nóttunni. Þetta hjól ofan á þakinu var svo líka óþrifalegt með eindæmum. Það voru örlítil göt á því, nógu stór til að sag og matur spýttist út um allt gólf. Við Hinrik gerðum okkur því ferð í gæludýrabúðina til að kaupa annað hjól sem færi inn í búrið. Í búðinni sá Hinrik svartan fugl í búri, og ég sagði honum að segja Halló við hann. Viti menn, fuglinn svaraði. Hinrik var steinhissa en lét ekkert slá sig út af laginu og spurði bara: "Hvað ert þú að gera hér?". Eitthvað fannst fuglinum þetta skrítin spurning, og lét standa á svari. Það endaði svo með því að hann sagði bara aftur Halló. Hinrik lét það gott heita.
Og þetta var sagan um gæludýrin!

Eurovision ekki í síðasta sinn sem þið sjáið þennan titil

Já, ég er komin í rokna Eurovision stuð! Ég náði í 14 lög á netinu og hef verið að hlusta á þau nú á meðan ég hef við að vinna verkefni sem ég þarf að skila á morgun. Þar sem ég er "næstum" búin með verkefnið ætla ég aðeins að segja nokkur orð um þessi 14 lög.

• Finnland: Kraftmikið lag, sungið af söngkonu, og minnir svolítið á hljómsveitina Evanescence. Já bara nokkuð flott lag
• Rúmenía: Byrjunin minnti mig svolítið á lagið "La Camisa Negra" með Juanes - fyrir þá sem þekkja það, en það breytist svo, þar sem m.a. að takturinn verður hraðari þegar líður á lagið. Skrítið en nokkuð skemmtilegt lag sem þarf að hlusta á oftar en einu sinni. Það er sungið á 6 tungumálum; frönsku, ítölsku, spænsku, rúmensku, rússnesku og ensku.
• Írland: Lagið byrjar mjög flott, mjög þjóðlegt, en ég fíla alls ekki þegar söngkonan syngur. Veit samt ekki hvað angrar mig við hana, hvort það sé röddin eða bara lagið sjálft.
  
• Noregur: Norðmenn eru með hress lag í suðrænum anda. Ágætt lag.
• Danmörk: Mitt uppháhaldslag í dönsku undankeppninni. Sungið af dragdrottningu og er svona hresst diskólag, sem auðvelt er að fá á heilann! Flott lag!
  
• Moldóva: Líkt finnska laginu að því leyti að undirspilið er í þyngri taktinum, minnir líka pínulítið á Evanescence - þó minna en finnska lagið. Mér finnst þetta flott lag.
  
• Malta: Þetta lag hefur ekkert heillað mig. Veit ekki einu sinni hvað ég á að segja um það.
  
• Albanía: Lag með mjög þjóðlegum undirtóni. Byrjar mjög flott, en æi, svo gafst ég eiginlega upp á að hlusta á það. Og ég sem er svo hrifin af svona austur-Evrópu lögum. Kannski skánar þetta við meiri hlustun.
  
• Slóvenía: Eitt af mínum uppáhaldslöndum í Eurovision almennt. Og mér finnst lagið í ár bara ferlega flott. Þetta er svona diskólag (eða dans lag, hvað á að kalla þetta eiginlega?) sungið af óperusöngkonu. (Minnir á lagið Nostalgia frá Króatíu sem Danijela söng með óperusöngkonu - um árið)
• Eistland: Eitt af þessum litlausu lögum. Hvorki fugl né fiskur! Maður man lítið eftir því.
  
• Holland: Svei mér þá ef þetta er ekki eitt af fáum lögum (ef ekki það eina) frá Hollandi sem ég hef fílað sungið á hollensku. Mér finnst hollenskan nefnilega... ekki falleg... vægast sagt... sorrý! En þetta lag er flott. Og hollenskan hljómar alls ekki svo illa. Ágætt lag.
  
• Hvíta-Rússland: Byrjunin minnir á James Bond, svona strengjahljómsveit og allt. Lagið er svo annars ágætt, örugglega auðvelt að fá það á heilann við meiri hlustun.
  
• Pólland: Ætli þetta lag falli ekki undir R&B flokk, svolítð sérstakt lag því takturinn breytist a.m.k. tvisvar í laginu. Ég get ekki sagt að ég fíli það neitt sérstaklega en mér finnst taktbreytingin töff.
• Sviss: Þetta lag heitir "Vampires are alive" og ég get alveg séð fyrir mér showið á sviðinu - sem væri hægt að gera; reykur á gólfi, dansarar koma upp úr líkkistum... bíðið bara. Enn eitt lagið í svona danstakti. Ágætt lag - svona við fyrstu hlustun.
  

Og þar hafið þið það. Ég var búin að tjá mig um Íslenska framlagið - bara ánægð með það, svo ég þarf ekkert að hafa meira um það.
En það ætti að vera orðið ljóst, þó ekki sé búið að opinbera fleiri lög en þetta að Eurovision ætti að vera ansi fjölbreytt í ár, og þær spár um að það yrði nær eingöngu þungarokkarar sem yrðu sendir, rætast ekki. Hér er hægt að hlusta á lögin, ef þið viljið, og endilega skiljið eftir komment. Spurning dagsins er því þessi: Fílarðu Eurovision?

Hitt og þetta

Ég er búin að setja inn fleiri myndir teknar nú í febrúar. Held reyndar að þær séu flestar ef ekki allar teknar á geðveikt flotta símann minn og margar þeirra eru af drengjunum sofandi eða að reyna að sofa í hinum ýmsu aðstæðum. En það er bara skemmtilegt!

Ég var í fríi í dag. Það er ekkert eins gott eftir haust/vetrar/jólafrí en frí í skólanum. Það ætti að banna fulla vinnu/skólaviku eftir gott frí! (Hvernig ættu kennarar þá að vinna með alla sína frídaga - svona í ljósi umræðanna á Íslandi þessa dagana). En ég gerði svo sem ekki mjög margt merkilegt í dag. Lærði aðeins, setti í þvottavél og tók aðeins til. Það voru nú öll ósköpin!

Mikið lifandi, lifandi, agaleg ósköp sem ég er fegin að vera ekki starfandi grunnskólakennari á Íslandi í dag! Það myndi ganga af mér dauðri bókstaflega! Ég ætla ALDREI að vinna í grunnskóla! Aldrei. Og ekki reyna að segja eitthvað "það á aldrei að segja aldrei því....." í þessu tilfelli segi ég staðföst ALDREI. Ja... ekki nema samningar yrðu straujaðir (svona eins og þegar maður straujar tölvur) og byggðir upp á nýtt... þá gæti ég skoðað það. En ætla samt aldrei að kenna í grunnskóla sem er bara djöfull slæmt fyrir þá því ég yrði eflaust dúndur kennari. Og hananú! Og þetta allt saman er útaf VÆLI Í ÖÐRUM EN GRUNNSKÓLAKENNURUM sem ég segi þetta. Og miklu virðingarleysi sem þetta starf hefur og ég endurtek; þetta er STARF, vinna skilurðu, ekki hugsjón. Nei, ég ætla að nota mitt háskólapróf í eitthvað annað.

Talandi um Eurovision... er ekki Eiki bara hress. Hann er málið, er það ekki? Nú tökum við þetta. Við, skilurðu. 10 maí. Koma svo Eiríkur!
Ég er búin að heyra írska lagið og Eiki tekur það sko í nefið. Það hljómar ágætlega... þar til söngkonan byrjar að syngja. Æi, nei.

LOKSINS......

..... fékk ég íslenskt nammi :)
Helga og drengirnir eru sem sagt komin heim eftir smá "hremmingaferð". En Helga segir ykkur frá því í næsta bloggi reikna ég með. Og það ætti að koma bara innan fárra klukkustunda. En ég tók mynd af hluta af góssinu sem hin dásamlega kona, hún Helga, færði í búið á heimleiðinni. Og það er eins og sést: uppáhalds óhollustudrykkurinn minn Egils Appelsín sem er þetta eina sanna, Nóakropp í tunnu, Djúpur í stórum poka. Á myndina vantar kleinupokann sem mamma sendi og tvær tegundir af harðfiskum :) Dúndur súkkulaðilakkrísgums eitthvað ásamt stærðarinnar lambalæri sem er hálfpartinn í boði Bifreiðastjórafélgsins SLeipnir. Takk fyrir það Skari minn og fleiri :)

Ferðalangarnir voru ekki komin til S.borg fyrr en klukkan 01:11 í nótt. Þau misstu víst af lestinni sem fer frá Köben og þurftu að bíða þar í einhvern dágóðan tíma eftir næstu lest. Bölvað vesen sko.
Annars er allt ágætt. Blíðan er komin til að vera, allavega í dag og á morgun samkvæmt spánni. Klukkan 2 á morgun verður einhverskonar Öskudagsskemmtun í garðinum við Loftið sem Íslendingafélagið er með á leigu hér í S.borg. Þar á víst að slá kattarkvikindið úr tunnunni og gæða sér á íslensku namerríi og öðru.

Takk í bili, ég ætla að fara að njóta "nammisins". Það er jú laugarnammidagur :-)

Rauðvínssöturklúbburinn

Við Solla skruppum í konuferð til Akureyrar - og ákváðum á heimleiðinni að reyna að fara í eina konuferð saman á hverju ári. Við vorum hjá Elínu og Siggu og þær buðu Gullu og Siggu Hreins í heimsókn svo þá var ástæða til að draga upp rauðvínsflösku(r). Þetta var alveg ágætt, ósköp rólegt svona, heimsmálin rædd - NOT. Ég held ég hafi ekki hlegið eins mikið - í eins langan tíma í einu - síðan long tæm.

Frábært kvöld. Takk stelpur, Solla, Elín, Sigga, Sigga og Gulla!

Svo náði ég að fara í heimsókn í leikskólann Kiðagil sem var frábært. Komst líka í 4 heimsóknir, í hádegismat með rauðvínsstelpunum og í Bónus! Ansi vel af sér vikið verð ég bara að segja!

Í Húnaþingi

Jæja, þá erum við strákarnir komnir í Húnaþing vestra. Í nístingskuldann sem hér er. Ferðalagið tók allt að 13 klukkutíma - var langt en kannski ekkert svo strangt. Strákarnir voru alveg til fyrirmyndar, það var bara í biðröðinni að innritunarborðinu á Kastrup sem þeir áttu erfitt - skiljanlega! Við þurftum að standa í röð þar í rúmlega hálftíma!

En allavega, mér finnst ég bara hafa verið hér fyrir ca mánuði síðan! Það er ótrúlegt að hugsa til þess að við séum búin að búa úti í hálft ár! Ótrúlegt.

Ég ætla að skreppa með Sollu á Akureyri á sunnudaginn. Ætlum að hafa smá rauðvínssötur! Ekki veitir af að fá smá aðstoð við þessa rauðvínsdrykkju mína.

Heyrumst... eða kannski bara sjáumst!

Eurovision

Hvað finnst ykkur um Eurovision lögin sem hafa komist áfram?
Mitt uppáhaldslag, lagið með Heru, komst náttúrlega ekki áfram og mér finnst lögin sem eru komin áfram bara ekkert spes! Mér fannst lagið “Þú tryllir mig” skemmtilegast að hlusta á í tölvunni, en þegar ég sá það á sviði fannst mér bara ekkert til þess koma. Það vantaði eitthvað... kannski skilaði það sér ekki svona í sjónvarpi... kannski hefði söngvarinn þurft að dansa við lagið og vera svolítið líflegur (ekki lífLEGRI).
Lagið með Eiríki er það eina (fyrir utan Heru) sem ég hef munað eftir daginn eftir en mér finnst samt að Jónsi hefði frekar átt að syngja það.

Æi, mér er eiginlega bara slétt sama hvaða lag kemst þá áfram.

Það sama er með dönsku undankeppnina. Eina lagið sem mér hefur fundist mjög skemmtilegt var sungið af drag-drottningu, flott diskólag en það komst ekki áfram. Svo nú er mér líka slétt sama hvaða lag kemst áfram fyrir Danmörku.

Við (ég og strákarnir) erum að koma til Íslands á fimmtudagskvöld. Það verður hvorki litið til hægri né vinstri á leiðinni norður, bara brunað beint á Laugarbakka. Enda verðum við á rúmlega 10 klst ferðalagi. Ég ætti kannski að fara að byrja á að pakka niður, þetta er alveg að skella á.

Við breyttum öllu hér á heimilinu á laugardaginn, nú eru allir með nýtt herbergi; Marek og Eyþór eru saman í hjónaherberginu, Hinrik er einn í Eyþórs herbergi og við Palli erum í herberginu sem Marek og Hinrik voru í. Nú hafa strákarnir miklu meira pláss til að leika sér inni í stóra herberginu. Þetta er miklu betra.

Nóg í bili.

Smá bíltúr....

Gott kvöld (þegar þetta er skrifað allavega).

Ég var að koma heim áðan úr 5 daga ferðalagi. Ég ferðaðist fyrsta daginn (á sunnudaginn var) í 6,5 klst með lestum frá Sønderborg til Frederikshavn á norður Jótlandi. Þaðan með flutningabíl (lastbil á dönsku) til Hirsthals sem er álíka norðarlega á Jótlandi og Fr.havn, þaðan með skipi í 6 klukkustundir upp Skagerrak til Larvik í Noregi. Þaðan var ekið til Brumunddal sem er austarlega....og sunnarlega..... allavega í Noregi. Þar var gist fyrstu nóttina. Bíllinn aflestaður (hér eftir "losaður") að mestu leiti þarna og svo ekið niður í Oslo. Þar var svo gist aðra nóttina. Þriðja daginn var ekið til Drammen þar sem bíllinn var lestaður (hér eftir "lestaður" :)) með allskonar dóti. Þar næst var ekið dálítið upp fyrir Hamar sem er dálítið neðan við Lillehammer, þar sem Ólympíuleikarnir voru haldnir dálítið lengi. Bíllinn lestaður meira þar og svo ekið áfram til Tråndheim sem er nú bara töluvert MIKIÐ norðan við Lillehammer. Bíllinn losaður þar að einhverju leiti og svo að öllu leiti daginn eftir. En þarna uppfrá var gist líka. Fjórða daginn var bíllinn sem sagt losaður að fullu og svo lestaður um kvöldið. Svo var ekið frá Tråndheim um 750 kílómetra leið til Götenborg í Svíðþjóð. Þaðan var siglt með ferju til Frederikshavn sem er þriggja tíma sigling.... rúmlega. Ekið frá Fr.havn til Vangen þar sem höfuðstöðvar www.fiskelogistik.dk eru en þar var bíllinn fylltur af olíu..... olíutankurinn sko. Eftir um klukktíma stopp og smá viðræður við eigendur og stjórnendur fyrirtækisins var haldið áleiðis rúmlega 300 kílómetra leið til Padbor sem er landamæraborg Danmerkur og Þýskalands. Þangað var Helga komin til að sækja mig og er ég því kominn heim aftur.... í bili.

Svona var vikan hjá mér í grófum dráttum.
En hjá þér?

Kveðja,
Palli.